Oseas 7:13 - CHUYA QELLQA La Biblia en Quechua de Ayacucho 2012

¹³ ¡Ay, imaynaraq kanqaku ñoqamanta karunchakuq runakuna! Contraypi hatarisqankuraykum puchukanqaku, libraykuyta munaptiypas paykunaqa contraypim llullallata rimanku.

Quechua Ayacucho Bible 1987

¹³ ¡Ay ñoqamanta karunchakuq runakunaqa imaynaraq kanqaku! ¡Ay, mana kasuwaqniykunaqa qonqayllatam puchukarunqaku! Libraykuyta munaptiypas paykunaqa contraypim llullallata rimanku.

Chuya Qellqa 1992

¹³ ¡Ay, imaynaraq kanqaku ñoqamanta karunchakuq runakuna! Contraypi hatarisqankuraykum puchukanqaku, libraykuyta munaptiypas paykunaqa contraypim llullallata rimanku.

Oseas 7:13 Iomraidhean Croise

Nehemías 1:10

Israelpa mirayninkunaqa serviqnikikunam kaniku, chaymi hatun atiynikiwan librawarqankiku.

Jobwan Sutichasqa Libro 22:17

Paykunaqa Diostapas kaynatam nirqaku: “Ñoqaykumanta anchuriy, Tukuy Atiyniyuq Dios ¿imanawankikutaq?” nispanku.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 30:2

Mana ñoqata tapuwaspankum Egipto nacionman chaylla rinku, rey Faraonpi hapipakuspam yanapakuyta maskanku.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 43:1

Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 42:20

Qamkunaqa kikillaykichikmi pantachkankichik. Kiki-kichikmi mañawarqankichik: “Yupay-chasqanchik Tayta Diosta ñoqaykupaq mañakuy hinaspa imam nisqanta ruwanaykupaq willawayku”, nispaqa.

Jeremías 51:9

¡Babiloniataqa hampirunikuñam, ichaqa manam sanoyanchu! ¡Saqeychik! Llaqtanchikman sapakama ripukusun. Huchankunaqa cielokamaraqmi chayarun, puyukamaraqmi hoqarikurun.

Jeremías 7:15

Castaykichik Efrainpa mirayninkuna qarqosqayta hinam, qamkunatapas qayllaymanta qarqosqaykichik.

Lamentaciones 5:16

Umaykupi coronaykupas wichirunmi, ¡imallapiraq rikukuniku, huchallikurunikum!

Ezequiel 16:23

Chayraykum ñoqa Tayta Dios kay-nata nini: ¡Ay, imaynaraq kanki chay millakuypaq mana allin kaqkuna ruwasqaykimanta!

Ezequiel 18:2

Israel runakuna, qamkunam sapa kutilla kaynata rimankichik: “Tayta-mamanku puchqo uvasta mikuruptinmi wawa-churinkupa kirun utuyarun” nispaykichik. ¿Imanasqataq chaynata rimankichik?

Ezequiel 18:25

Ichapas qamkuna niwankichikman: “Señor, qamqa manam allin arregloman hinachu juzgachkanki”, nispaykichik. Chaynaqa, Israelpa mirayninkuna uyariwaychik: Ñoqaqa allin arregloman hinam ruwachkani. Qamkunam mana allintaqa ruwachkankichik.

Ezequiel 34:6

Orqokunapim, alto mo-qokunapim cheqeruspa llutanpi purillachkanku, tukuy hinastinman cheqesqam kach-kanku, manam pipas maskaqninku kanchu, nitaqmi tapuyllapas tapukunkuchu.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 5:7

Mana reqsisqa runakunapa churinta wachakuspam ñoqa Tayta Diosta qepancharuwankichik; chayraykum qamkunapas kapuqnikichikkunapas huk killallapi tukusqa kankichik.

Oseas 7:1

Israelta hampichkaptiymi Efrainpa chaynataq Samariapa mana allin ruwasqankuna rikuriramun. Paykunaqa llapallankum llullakuspa suwakunku, punchawpacham wasikunaman suwakuq yaykunku, callepi purikuqkunatam imantapas suwanku.

Oseas 7:3

Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Oseas 9:17

Diosniymi paykunata mana kasukusqankumanta wischurunqa, hinaptinmi llaqtan-llaqtan purinqaku.

Jonás 1:10

Tayta Diosmanta Jonás ayqesqanta yachaykuspankum paykuna llumpayta mancharikurqaku, hinaspam nirqaku: ¿Imanasqataq kayta ruwarunki? nis-panku.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Miqueas 6:4

Egiptomantam qamtaqa hurqomurqayki, esclavo kasqaykimantam libramurqayki. Pusamusunaykipaqmi Moisesta, Aaronta hinaspa Mariata kachamurqani.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

1~Juan 1:10

Sichum nisunchik: “Manam huchallikunichu” nispa, hinaspaqa Diostam llullapaq hapichkanchik, chaynapiqa palabranqa manam ñoqanchikpichu kachkan.

Apocalipsis 8:13

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.