Oseas 7:11 - CHUYA QELLQA La Biblia en Quechua de Ayacucho 2012

¹¹ Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.

Quechua Ayacucho Bible 1987

¹¹ Efrainpa castankunaqa mana yuyayniyoq paloma hinam kanku. Efrainpa castankunaqa mana entiendeq paloma hinam kanku. Paykunaqa Egipto naciontam yanapananpaq mañakunku. Paykunaqa Asiria nacionmanmi yanapananpaq rinku.

Chuya Qellqa 1992

¹¹ Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.

Oseas 7:11 Iomraidhean Croise

2~Reyes 15:19

Asiria nacionpa reynin Tiglat-pilesermi Israel nacionta atacananpaq hamurqa, chaymi rey Manahemqa kimsa chunka kimsayuq waranqa kilo qollqeta Tiglat-pileserman qorqa, Manahempa favorninpi kaspan munaychakuyninpi takyachinanpaq.

2~Reyes 16:7

Hinaptinmi rey Acazqa Asiria nacionpa reynin Tiglat-pileserman comisionta kamachirqa kaynata nimunanpaq: Ñoqaqa churiki hina serviqnikim kani, hamuspaykiyá Siria nacionpa reyninmantawan Israelpa reyninmanta libraykuway, paykunam contraypi hamurunku, nispa.

Proverbios 15:32

Corregisqa kayta mana munaq runaqa kikillanmi penqayman churakun; corregisqa kayta chaskikuqmi ichaqa yachayta tarin.

Proverbios 17:16

¿Imapaqtaq mana yachayniyuq runata qollqe servinman yachayta rantinanpaq mana entiendeq kachkaptinqa?

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Jeremías 2:18

Kunanqa, ¿imatataq hurqokunki, Egipto nacionman rispa Nilo mayupa yakunta tomaspaykiqa? ¿Imatataq hurqokunki, Asiria nacionman rispa Eufrates mayupa yakunta tomaspaykiqa?

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Oseas 11:11

Alton pawaq urpikuna hinam Egiptomanta katkatatastin pawamunqaku; palomakuna hinam Asiriamanta katkatatastin hamunqaku, chaymi yapamanta wasinkupiña kawsachikusaq. Tayta Diosmi chaynata nin.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 4:11

Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Abdías 1:7

Hapipakusqayki kaqkunallam engañarusunki, paykunallam allpaykimantapas qarqorusunki, reqsinakusqaykikunallam contraykipi hatarirunku, mikuqmasikikunallam wichinaykipaq toqllatapas churarunku. Mana yachayniyuqmi Edomqa rikurirun.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.