Oseas 6:6 - CHUYA QELLQA La Biblia en Quechua de Ayacucho 2012

⁶ Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Quechua Ayacucho Bible 1987

⁶ Animalkuna wañuchipuwanaykichikmantapas aswanqa munani kuyapayakuynikichiktam. Animalkuna lliwta kañapuwanaykichikmantapas aswanqa munani reqsiwanaykichiktam.

Chuya Qellqa 1992

⁶ Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Oseas 6:6 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Eclesiastés 5:1

Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Isaías 1:11

Tayta Diosmi nin: ¿Imapaqtaq valen achkallaña animalkuna wañuchipuwasqaykichik? Amiruniñam carnerokunapa malta torokunapa wiran kañapuwasqaykichiktapas, carnerokunapa chivatokunapa yawarnin chaqchusqaykichiktapas millakuruniñam.

Isaías 58:6

Kaynam agradoypaq ayunoqa: Mana allinkunapa cadenasqankunata kachariymi, yugopa watunta paskachkaq hina runapa ñakariyninta paskaymi, yugota pakichkaq hina ñakariq runakunata kachaykuymi,

Jeremías 22:16

Payqa wakchakunatawan ñakarichisqakunatam valechirqa, chayraykum ima ruwasqanpas allin lloqsirqa. Payqa sumaqtam reqsiwarqa, ñoqa Tayta Diosmi chaynata nini.

Jeremías 7:22

Egiptomanta ñawpaq taytaykichik-kunata hurqomuspayqa, manam kamachirqanichu lliw kañana sacrifi-ciokunatawan wakin ofrendakunata ofre-cewanankupaqqa.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Oseas 2:20

Manaña rakinakunapaq casaraptiymi Dios kasqayta riqsiwanki.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Amós 5:21

Cheqninim, millakunim yupaychawanaykichikpaq fiestaykichiktapas, hatun huñunakuykuna ruwasqaykichiktapas manam munanichu.

Miqueas 6:6

¿Imawantaq Diospa qayllanman asuykusaq? ¿Imawantaq ancha hatun Diosta yupaychasaq? ¿Lliw kañana sacrificiowanchu qayllanman asuykusaq? ¿Huk watayuq torokunawanchu asuykusaq?

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Mateo 12:7

¿Manachu qamkuna yacharqanki-chik: “Ñoqaqa llakipayakuq kanaykichik-tam munani, manam animalkuna wañuchi-puwanaykichiktachu”, nispa nisqanta? Chayta yachaspaykichikqa manachá llapa mana huchayuqkunata juzgawaqchikchu.

Mateo 5:7

Mayna kusisqam llakipayakuqkunaqa, paykunamantapas Diosmi llaki-payarikunqa.

Mateo 9:13

Rispaykichik, “Kuyapayakuq kanaykichiktam munani, manam sacrificiotachu” nisqanpa imam ninanta yachamuychik. Ñoqaqa hamurqani manam justo runakuna qayaqchu, aswanqa llapa huchasapakuna huchankumanta wanakunankupaq qayaqmi.

Marcos 12:33

Tukuy sonqowan, tukuy yuyaywan, tukuy kallpawan Diosta kuyaymi hinaspa runamasinchiktapas kikinchikta hina kuyaymi aswan allinqa, altarpi lliw kañana sacrificiokunamantawan, wakin sacrificiokunata kañaspa ofreceymantapas, nispa.

Josué 5:5

Egiptomanta lloqsimuq qarikunaqa llapallankum qari kayninkupi señalasqa karqaku. Chunniqta hamusqanku ñanpi nacemuqkunam ichaqa mana señalasqachu karqaku.

1~Juan 2:3

Kamachikuyninkunata kasukuspam yachanchik Dios reqsisqanchikta.

1~Juan 3:6

Pipas paypi takyaqqa manam huchallikunñachu. Pipas huchallikuqqa manam paytaqa rikunraqchu nitaqmi reqsinraqchu.

1~Samuel 15:22

Chaymi Samuel nirqa: Imamantapas llalliriqtaqa Tayta Diosqa munan rimarisqan kasukunanchiktam, manam animalkuna ofrecenatachu, nitaqmi wañuchispa kañapunatachu. Sacrificiokunamantapas uywakunapa wiran kañanamantapas aswan allinqa cheqaptapuni kasukuspa Tayta Diosta uyariymi.