Oseas 6:1 - CHUYA QELLQA La Biblia en Quechua de Ayacucho 2012

¹ Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Quechua Ayacucho Bible 1987

¹ Llaqtamasillaykuna, Tayta Diosmanyá kutirikusunchik. Paymi ñoqanchiktaqa llikiparuwarqanchik, hina paytaqmi sanoyachiwasunchikpas. Paymi ñoqanchiktaqa heridaruwarqanchik, hina paytaqmi hampiwasunchikpas.

Chuya Qellqa 1992

¹ Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Oseas 6:1 Iomraidhean Croise

2~Crónicas 30:6

Willakuqkunam reypa hinaspa kamachikuqkunapa cartan aparisqa Israel nacionmanwan Judá nacionman lloqsirqaku, reypa kamachisqanman hina kaynata nimunankupaq: Israelpa mirayninkuna, Abrahampa, Isaacpa hinaspa Israelpa yupaychasqan Tayta Diosman kutirikuychik, hinaptinqa Asiria nacionpa reyninmanta puchuqkunamanmi paypas kutirimusunkichik.

Jobwan Sutichasqa Libro 16:9

Diosmi ñoqapaq llumpayta piñakurun, qatikachawaspanmi llikiparuwan; enemigonpaqñam hapiruwan, cheqnikuywan qawawaspanmi kiruntapas kachupakurun.

Jobwan Sutichasqa Libro 22:23

Tukuy Atiyniyuq Diosman kutirikuspaqa hoqarisqam kanki, ñakariytapas wasikimantam suchurichinki.

Jobwan Sutichasqa Libro 34:29

Sichum Dios upallaruptin ¿pitaq payta acusanman? Sichum Dios uyanta pakaykuptin ¿pitaq qawayta atinman? Diosqa llaqtakunatapas runakunatapas qawachkanmi,

Jobwan Sutichasqa Libro 5:18

Diosqa runata heridaruspanpas hina kikillantaqmi hampiykun, pimanña nanayta qoykuspanpas hina payllataqmi hampiykun.

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Isaías 17:7

Chayna punchawkuna kaptinmi runakuna unanchaqninta yuyarispa maskanqaku, Israelpa Chuya Diosnintam qawarinqaku.

Isaías 2:3

Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 30:22

Qorimanta qollqemanta idoloykichikkunatapas millakuypaqtañam qawankichik. Chaykunataqa millakuypaq qacha latapata hinam wischunkichik, hinaspam ninkichik: Anchuy kaymanta, nispaykichik.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 30:12

Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 33:5

Caldea runakunam kay llaqtata atacamunankupaq murallapa qepanpi allpata montonqaku, chaymi paykunawan peleanankupaq lloqsispanku lliw wañuchisqa kanqaku. Ñoqam hatun piñakuyniypi paykunata wañuchisaq, mana allinkuna ruwasqankumantam kay llaqtata manaña yanapasaqchu.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Jeremías 50:4

Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Lamentaciones 3:11

Ñanniymanta pantarachiwaspam llikiparuwarqa, paqway mancharisqatam saqeruwarqa.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 12:6

Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Levítico 14:48

Sichum sacerdote chay wasiman huktawan yaykuspa allinta qawaptin, musoqmanta laqapasqanku perqakunapi chay qoqaray mana miraruptinqa, qoqaray chinkarusqanraykum sacerdote ninqa chay wasiqa chuyaña kasqanta.

Sofonías 2:1

Mana penqakuq runakuna, huñunakuspa yuyaymanaychik,

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

1~Samuel 2:6

Tayta Diosllam wañuchinpas kawsachinpas, payllataqmi wañuqkunapa kasqanman wischuykuqpas, chaymanta hurqomuqpas.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.