Oseas 5:3 - CHUYA QELLQA La Biblia en Quechua de Ayacucho 2012

³ Efraintaqa reqsinim, Israelpa mirayninkunaqa manam pakasqachu. Efraín, chuchumika hinañam kawsachkanki huchapakuyllapim kachkanki; Israelpas anchatam huchallikurun.

Quechua Ayacucho Bible 1987

³ Efrainpa castankuna, reqsikichikmi qamkunataqa. Manam pakasqachu Israelpa castankunaqa. Efrainpa castankunaqa huchapakuyllapim kachkankichik. Israelpa castankunaqa huchallikuyllapim kachkankichik.

Chuya Qellqa 1992

³ Efraintaqa reqsinim, Israelpa mirayninkunaqa manam pakasqachu. Efraín, chuchumika hinañam kawsachkanki huchapakuyllapim kachkanki; Israelpas anchatam huchallikurun.

Oseas 5:3 Iomraidhean Croise

Isaías 7:16

Manaraqpas allin kaqta akllaspa mana allin kaqtañataq wischuyta yachachkaptinmi, chay manchakusqayki iskay reykunapa nacionninkuna chunnichisqa kanqa.

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Isaías 7:5

Siria runakunawan Efraín castakunaqa chaynataq Remaliaspa churin Pekapas llapallankum contraykipi kachkanku. Mana allinta ruwasunaykipaqmi kaynata rimanakurunku:

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 13:1

Efraín castakuna rimariptinqa lliwmi manchakuqku, Israelpi llapallan ayllukunam respetaqku; ichaqa Baal idolota yupaychasqankuraykum Efraín castakunaqa wañurunku.

Oseas 13:5

Ñoqam chunniqpi reqsirqayki, ñoqataqmi chaki allpapipas waqaycharqayki.

Oseas 5:11

Efrainmi ñakarichisqa kachkan, pipañapas munaychakusqanmi kachkan, idolokunata qatisqanraykum chaynaqa kachkan.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Oseas 5:9

Israel ayllukunamanmi cheqaptapuni imam pasananmanta willachini, castigasqay punchawmi Efrainpas chinkanqa.

Oseas 6:10

Israel llaqtapim millakuypaq kaqkunata rikurqani, chaypim Efraín waqllikurun, chaypim Israel millakuypaq huchawan inturachikun.

Oseas 6:4

Tayta Diosñataqmi nirqa: Efraín llaqta, ¿imatataq qanwan ruwasaq? Judá llaqta, ¿imatataq qanwan ruwasaq? Qamkunapa kuyakuynikichikqa tutapay puyu hina chinkaruqllam, tutapay sulla hina waspiruqllam.

Oseas 8:11

Efrainmi huchanta mayllananpaq achkanpi altarkunata ruwakurun, ichaqa chay altarkunam rikurirun huchaman apaqninku altarkunaña.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Deuteronomio 33:17

Joseyqa vacapa punta wawan hina kuyayllapaqmi, payqa búfalo hina kallpasapallañam, waqrankunawanmi llapa nacionkunata kay pachapa patankama waqraparunqa. Chaynam Efrainpa wara-waranqa mirayninkunaqa, chaynam Manasespa waranqantin mirayninkunaqa.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 3:15

Ñoqaqa yachanim tukuy ruwasqaykita, manam chirichu nitaq rupaqchu kanki. ¡Ima allincha kanman rupachkaq kaptikiqa otaq chiri kaptikipas!