Oseas 5:15 - CHUYA QELLQA La Biblia en Quechua de Ayacucho 2012

¹⁵ Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Quechua Ayacucho Bible 1987

¹⁵ Huchankuta reqsikunankukamam maymi kasqayman kutikusaq. Maskaqniy hamunankukamam maymi kasqayman kutikusaq. Ñakaristin maskawanankukamam ñoqaqa kutikusaq.

Chuya Qellqa 1992

¹⁵ Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Oseas 5:15 Iomraidhean Croise

Génesis 42:21

hukninkumanta hukninkukama nina-kurqaku: Cheqaptapunim wawqenchikpa contranpi huchallikururqanchik. Ruega-kuwachkaptinchikpas ñakariyninta qawachkaspam mana uyarirqanchikchu, chayraykum ñoqanchikman kay ñakariy chayaramuwanchik, nispanku.

2~Crónicas 7:14

sichum sutiyta hatunchaq llaqtay uchuychakuspan qayakamuwaspa maskawanqa hinaspa tukuy mana allin kawsayninmanta wanakuspa ñoqaman kutirikamuwaptinqa, hanaq pachamantam uyariykamusaq hinaspam huchankunata pampachaykuspay allpankutapas allinyachisaq.

Jobwan Sutichasqa Libro 33:27

Diosqa lliw runatam qawachkan, sichum pipas ninqa: “Huchallikurunim, allin arreglotam qewiruni, Diosmi ichaqa mana imanawanchu,

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Isaías 18:4

Tayta Diosmi kaynata niwarqa: Maymi kasqaymantam hawkalla qawamusaq, para usyayta llipipipispa kanchariq inti hina, cosecha tiempo rupaypi sulla hina.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 26:9

Tutakunapas qamllapim yuyaymanani, kawsanaykamaqa tuta punchawmi maskasqayki. Allinta ruwaspa munaychakuptikim kay pachapi yachaqkunaqa allin ruwayta yachanqaku.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Lamentaciones 3:40

Imaynam kawsasqanchiktayá allinta qawarikusun, huktawanyá Tayta Diosman kutirikusun.

Ezequiel 10:4

Chaymi Tayta Diospa kanchariynin chay querubinkunapa hawanmanta hoqarikuruspan templopa punkunman rirqa, hinaspam temploman huntaykurqa, Tayta Diospa kanchariyninmi chay patiotapas huntaykurqa.

Ezequiel 11:23

Tayta Diospa kanchariyninmi llaqtapa chawpinmanta hoqarikuruspan huk orqopa hawanpi sayaykurqa, chay orqoqa kachkan llaqtamanta intipa qespimunan lawninpim.

Ezequiel 20:43

Chaypim tukuy mana allinkuna ruwasqaykichikta yuyarispa ñakakunkichik, tukuy mana allin ruwasqaykichikraykum kikikichikmantapunipas millakunkichik.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Ezequiel 8:6

Huktawanmi niwarqa: Runapa churin, ¿rikuchkankichu Israelpa mirayninkuna waknaña millakuypaq kaqkuna ruwasqankuta? Chaykunata ruwaspankum santuarioymanta karunchakurunku. Ichaqa hatun millakuypaq kaqkunataraqmi qawanki, nispa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Oseas 5:6

Huk punchawmi ovejaykichikmanta vacaykichikmanta ofrenda aparisqa ñoqa Tayta Diosta maskawankichik, ichaqa qamkunamanta karunchakurusqayraykum mana tariwankichikchu.

Miqueas 1:3

Tayta Diosmi maymi kasqanmanta lloqsimuchkan, uraykamuspanmi kay pachapa hawanta puririmuchkan.

Números 21:7

Hinaptinmi Moisesman rispanku llapa runakuna nirqaku: Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku. Chaymi Tayta Diosta llapa runakunapaq Moisés mañakurqa.

Lucas 13:25

Punkuta wasiyuq wichqaramuptinmi qamkunañataq hawamanta takaspa ninkichik: “Señor, kichaykamullawayku”, nispaykichik. Hinaptinmi payñataq nimusunkichik: “Manam reqsikichikchu, maylawcha kankichikpas”, nispa.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.