Oseas 4:9 - CHUYA QELLQA La Biblia en Quechua de Ayacucho 2012

⁹ Chayraykum sacerdotekunatapas chaynataq runakunatapas, mana allin kawsayninkuman hina ñakarichispay imam ruwasqankuman hina castigasaq.

Quechua Ayacucho Bible 1987

⁹ Chayraykum runakunatapas castigasaq. Llapa sacerdotekunata hinam castigasaq. Imaynam kawsasqankuman hinam castigasaq. Imam rurasqankuman hinam pagapusaq.

Chuya Qellqa 1992

⁹ Chayraykum sacerdotekunatapas chaynataq runakunatapas, mana allin kawsayninkuman hina ñakarichispay imam ruwasqankuman hina castigasaq.

Oseas 4:9 Iomraidhean Croise

Proverbios 11:31

Allin kawsakuq runa pagonta kay pachallapiraq chaskiptinqa, aswanraqmi mana allin runawan huchasapapas pagonkutaqa chaskinqaku.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 5:22

Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Isaías 24:2

Runakunatawan sacerdotekunatapas, criadontawan patronnintapas, criadantawan patronantapas, rantiqnintawan rantikuqtapas, prestakuqtawan prestaqnintapas, lliwtam cheqechinqa.

Isaías 3:10

Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Ezequiel 44:10

Millakuypaq idolokunataña qatispa Israelpa mirayninkuna ñoqamanta karunchakuruptinkum, llapa levitakunapas saqeruwarqaku, chayraykum huchankumanta castigasqa kanqaku.

Ezequiel 44:12

Ichaqa paykunam Israelpa mirayninkunata servispanku idolokunata yupaychachirqaku, chaynatam huchallichirqaku; chay huchankumantam paykunaqa castigasqa kanqaku. Ñoqa Tayta Diosmi chaynata nini.

Oseas 1:4

Chaymi Oseasta Tayta Dios nirqa: Jezreelwan chay wawata sutichay, yawarta Jezreel llaqtapi chaqchusqanmantam rey Jehupa ayllunta chaylla castigasaq, chaynatam Israel nacionpa munaychakuyninta tukusaq.

Oseas 10:10

Munarisqay punchawmi qamkunataqa castigasqaykichik, nacionkunam contraykichikpi huñunakunqa, llumpay huchaykichikmanta ñakarichisunaykichikpaq.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 12:3

Jacobqa mamanpa wiksallanmantaraqmi wawqenta talonninmanta hapimurqa, hatun runaña kaspanmi Dioswan pelearqa.

Oseas 7:2

Manam musyankuchu llapa mana allin ruwasqankuta yuyasqaytaqa, mana allin ruwasqankuwanmi paykunaqa inturachikunku, ñoqaqa rikuchkanim tukuy chaykuna ruwasqankutapas.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:15

Tayta Diosmi kaynata nin: Gilgal llaqtapim tukuy mana allinkuna ruwayta qallaykurqaku, chaypim ñoqapas paykuna cheqniyta qallaykurqani; tukuy mana allinkuna ruwasqankuraykum temploymantapas paykunata wischurusaq; paykunataqa manañam kuyasaqñachu, llapa kamachiqninkupas mana kasukuqkunam.

Oseas 9:9

Gabaa llaqtapi ruwasqankuta hinaraqmi llumpayta huchallikurunkichik; Tayta Diosmi ichaqa mana allin ruwaynikichikta yuyaykuspan ñakarichisunkichik.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.