Oseas 4:3 - CHUYA QELLQA La Biblia en Quechua de Ayacucho 2012

³ Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Quechua Ayacucho Bible 1987

³ Chayraykum kay nacionqa lutoyoq hinaña kachkan. Kay nacionpi *f**yachaqkunaqa mana kallpayoqñam kachkan. Purun animalkunapas, alton pawaqkunapas wañuchkanmi. Lamar qochapi kawsaq challwakunapas wañuchkanmi.

Chuya Qellqa 1992

³ Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Oseas 4:3 Iomraidhean Croise

Isaías 33:9

Kay allpam llakipi tarikun, Líbano orqopi sachakunam chakiruspan penqaypi rikurirun, Saronpas chunniqñam kachkan, Basanpiwan Carmelo orqopi sachakunapas mana rapiyuqñam kachkan.

Jeremías 12:4

¿Haykapikamataq allpa chakisqalla kanqa? ¿Haykapikamataq purunpi qorakunapas qawisqa kanqa? Kay nacionpi yachaqkunapa huchanmantam uywakunawan alton pawaq animalkunapas chinkarun. Paykunam ninku: Diosqa manam imayna tukurunanchiktapas yachanchu, nispanku.

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Jeremías 4:25

Qawariptiymi runakunapas manaña kasqañachu. Alton pawaq animalkunapas lliwmi lluptikusqaku.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:9

Chaykuna ruwasqankumantaqa ¿manachu paykunata castigasaq? Chayna ruwasqankumantaqa ¿manachu paykunata vengakusaq? Ñoqa Tayta Diosmi chaynata nini.

Ezequiel 38:20

Lamar qochapi challwakunapas, alton pawaq animalkunapas, purun animalkunapas, qasqonpa puriq animalkunapas chaynataq kay pachapi llapallan runakunapas ñoqapa ñawpaqniypim katkatatanqaku; orqokunapas wichimunqam, qaqakunapas tuñimunqam, llaqtakunapa murallanpas tuñimunqam, nispa.

Joel 1:18

Mikuymantam uywakunapas waqachkanku, vacakunapas mikunankupaq mana kaptinmi muspaypi hinaña purillachkanku, ovejakunapas yarqaymantam ñakarillachkanku.

Amós 1:2

Sión moqomantam Tayta Dios qaparimun, Jerusalenmantam simin uyarikun, Pastorkunapa michinan pastokunapas qawinankama, Carmelo orqopa puntanpas chakinankama, nispa.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Nahúm 1:4

Lamar qochapas mayukunapas qaqchaptinqa chakirunmi, Basanpiwan Carmelo orqopi sachakunapas qawirunmi. Líbano orqopi waytakunapas qawirunmi.

Sofonías 1:3

Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Zacarías 5:4

Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.