Oseas 4:2 - CHUYA QELLQA La Biblia en Quechua de Ayacucho 2012

² Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Quechua Ayacucho Bible 1987

² Mana penqakuspañam runamasinkutapas ñakanku, llullakunku, wañuchinku hinaspa suwakunku, hina chaynallataqmi hukwan-hukwanpas kakunku. Manaña tukuytam aswan-aswan wañuchinakunku.

Chuya Qellqa 1992

² Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Oseas 4:2 Iomraidhean Croise

Génesis 4:8

Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 48:1

Jacobpa mirayninkuna, Judapa mirayninkuna kachkaspa Israelwan sutichakuqkuna, Tayta Diospa sutinpi juraqkuna, Israelpa Diosninta mañakuqkuna, mana cheqapta rimaspa mana allin ruwaqkuna;

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 6:7

Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Ezequiel 7:23

Huk cadenata ruway, kay llaqtapiqa wañuchinakuywan yawar chaqchuy hinaspa mana allin ruwanakuyllañam kakuchkan.

Oseas 10:13

Qamkunam ichaqa mana allinllata tarpuchkankichik, mana allinllata cosechaspam llullakuynikichikpa rurunta mikuchkankichik. Qamkunaqa tropaykichikpa kallpanpim hapipakunkichik.

Oseas 10:4

Paykunaqa yanqa rimaq runakunam kanku, pactota ruwaspapas yanqallam juranku, allinpaq hapispa ruwayninkupas chakrakunapi wiñaq qatqe qorakuna hinam.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Oseas 12:14

Ichaqa Efrainmi Tayta Diosta llumpayta piñachirqa, chayraykum runa wañuchisqanmanta paganqa, tukuy mana allin ruwasqanmantam Tayta Dios ñakarichinqa.

Oseas 5:2

Sitim qechwapi llaqtayta wichichisqaykichikmantam llapallaykichik castigasqa kankichik.

Oseas 6:8

Galaad llaqtaqa suwakunapa kananmi yawar chaqchuyllam chaypiqa.

Oseas 6:9

Sacerdotekunapas wateqaq suwakuna hinam, Siquem llaqtaman rina ñanpi huñunakuruspam runakunata wañuchinku, paykunaqa penqaypaq kaqkunatam ruwanku.

Oseas 7:1

Israelta hampichkaptiymi Efrainpa chaynataq Samariapa mana allin ruwasqankuna rikuriramun. Paykunaqa llapallankum llullakuspa suwakunku, punchawpacham wasikunaman suwakuq yaykunku, callepi purikuqkunatam imantapas suwanku.

Oseas 7:3

Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Oseas 7:4

Llapallankum paykunaqa waqllikunku, masa poqonankama tanta ruwaqpa horno kañasqanmanraqmi rikchakunkupas.

Miqueas 3:2

Qamkunam ichaqa allin ruwayta cheqnispa mana allin ruwayta kuyankichik, ovejata hinaraqmi llaqtaytapas tulluntawan qarallantaña ruwarunkichik.

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Miqueas 6:10

Mana allin ruwaqpa wasinpiqa hinallaraqmi kachkan engañowan ganasqan qori-qollqepas, mana allin ruwaqpa wasinpiqa hinallaraqmi kachkan millakusqay suwa balanzakunapas.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Sofonías 3:1

¡Imallapiraq rikukunqa! mana kasukuq huchapa intusqan ñakarichikuq llaqta.

Zacarías 5:3

Chaymi payñataq niwarqa: Wakpiqa qellqasqa kachkan kay pachapaq ñakaymi; cheqaptapunim pipas suwakuqqa, huklawninpi qellqasqa kasqanman hina, puchukachisqa kanqa; chaynallataqmi pipas yanqamanta juramentaqqa, huklawninpi qellqasqa kasqanman hina, chinkachisqa kanqa, nispa.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Mateo 23:35

Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Deuteronomio 5:11

Ñoqa Señorniki Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Deuteronomio 5:18

Amam waqllikunkichu.

Deuteronomio 5:19

Amam suwakunkichu.

1~Tesalonicenses 2:15

Chay judiokunam Señor Jesusta hinaspa profetakunata wañurachirqaku, ñoqaykutapas qarqoruwarqakum, paykunaqa manam Diospa munasqanman hinachu kawsanku, lliw runakunapa contranpim kachkanku,

Apocalipsis 17:6

Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa. Chayta qawaykuspay sinchita admirakuptiymi