Oseas 4:16 - CHUYA QELLQA La Biblia en Quechua de Ayacucho 2012

¹⁶ Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Quechua Ayacucho Bible 1987

¹⁶ Chukaru vaquilla hinam Israelpa castankunaqa. ¿Hatun pampakunapiraqchum michinman Tayta Diosqa? ¿Malta ovejakunata hinaraqchum michinman paykunataqa?

Chuya Qellqa 1992

¹⁶ Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa ¿imaynataq Tayta Diospas ovejakunata hina sumaq pastopiraq michisunkichikman?

Oseas 4:16 Iomraidhean Croise

Isaías 22:18

Wankusqa kururta hina karupi hatun llaqtakama chamqarusuptikim chaypi wañumunki, alabakunayki carretakunapas chaypim tukunqa, patronnikipa ayllunpaqmi hatun penqay kanki.

Isaías 30:23

Señormi parachimunqa tarpukuynikichikman, chaynapim kawsaynikichikpas allinta qespiptin chaninninpi mikunkichik. Animalnikichiktapas chay tiempopiqa hatu-hatun echaderokunapim michinqaku.

Isaías 5:17

Apukunapa purmasqa chakrankunapipas purunpi hinañam cabrakunawan ovejakunallaña mikunqaku.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 3:11

Tayta Diosmi niwarqa: Mana kasukuq Judamantaqa, mana kasukuq Israelraqmi allinpas.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 31:18

Efrainpa mirayninkunapa llakikuymanta kayna qaparisqantam uyarirqani: “Manaraq mansasqa toro hinam karqani, ichaqa qanmi mansaruwarqanki, qanman kutirichikuway, qamqa Tukuy Atiyniyuq Diosniymi kanki.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Oseas 10:11

Efrainqa trillayta yachachisqa vaquilla hinam, sumaqllaña matankanman yugota wataruptiymi Judá yapunqa, Jacobñataqmi kurpakunata ñutunqa.

Oseas 11:6

Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.