Oseas 4:15 - CHUYA QELLQA La Biblia en Quechua de Ayacucho 2012

¹⁵ Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Quechua Ayacucho Bible 1987

¹⁵ Hukwan-hukwanñam tupakurunkichik Israelpa castan runakunaqa. Ichaqa amayá huchallikuchunchu Juda casta runakunaqa. Gilgal llaqtamanqa amayá riychikchu. Bet-aven llaqtamanqa amayá seqaychikchu. Tayta Diosraykuqa amayá juraychikchu.

Chuya Qellqa 1992

¹⁵ Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Oseas 4:15 Iomraidhean Croise

2~Crónicas 17:4

aswanqa taytanpa Diosninta maskaspanmi kamachikuyninkunata kasukurqa, Israel nacionpi runakunapa ruwasqantapas manam qatipakurqachu.

2~Crónicas 21:11

Rey Joramqa Judá nacionpi kaq moqokunapipas capillakunatam ruwachirqa, chaykunawanmi Jerusalenpi yachaqkunata chuchumika warmita hinaña huchallirachirqa, hinaspam Tayta Diosmanta karuncharachirqa.

Isaías 48:1

Jacobpa mirayninkuna, Judapa mirayninkuna kachkaspa Israelwan sutichakuqkuna, Tayta Diospa sutinpi juraqkuna, Israelpa Diosninta mañakuqkuna, mana cheqapta rimaspa mana allin ruwaqkuna;

Jeremías 44:26

Chaynaqa, Egipto nacionpi yachaq Judá nacionniyuq runakuna, ñoqa Tayta Diosmi sutiyrayku juraspay kaynata nini: Kunanmantaqa manañam mayqannikichikpas kay Egipto nacionpiqa sutiyta rimaspa ninkichikñachu: “Israelpa yupaychasqan Tayta Diosraykum jurani”, nispaykichiqa.

Jeremías 5:2

Ñoqa kawsaq Diosrayku juraspankupas paykunaqa llullakuspam juramentanku.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 12:11

Galaad runakunaqa mana allin runakunam, Gilgal llaqtapim idolonkupaq torokunata sacrificarqaku, chayraykum altarninkupa ruminkunapas chakrakunapi wischusqa purmanqa.

Oseas 12:12

Jacobmi Aram lawman ayqekurqa, Israelmi warmirayku oveja michiypi llamkarqa.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Oseas 9:15

Tayta Diosmi kaynata nin: Gilgal llaqtapim tukuy mana allinkuna ruwayta qallaykurqaku, chaypim ñoqapas paykuna cheqniyta qallaykurqani; tukuy mana allinkuna ruwasqankuraykum temploymantapas paykunata wischurusaq; paykunataqa manañam kuyasaqñachu, llapa kamachiqninkupas mana kasukuqkunam.

Amós 4:4

Qamkunaqa huchallikuytam anchata gustankichik, chaynaqa Bet-elmanwan Gilgalman rispayá, idoloykichikta yupaychamuychik, manañam imapas qokuwanchu imayna kaynikichikpas.

Amós 5:5

Amaña idolokunata Bet-elpi maskaychikñachu, amaña Gilgalmanpas yaykuychikñachu, nitaq Beersebamanpas riychikñachu. Gilgalqa presochaspa apasqam kanqa Bet-elñataqmi purmachisqa kanqa.

Amós 6:10

Hinaptinmi wasimanta tullukunata wischunanpaq hukkaqnin ayllun wañuqkunapa cuerponta kañanqa; hinaspanmi wasi kuchupi qeparuqta tapunqa: ¿Kachkanraqchu pipas chaypi? nispa. Chaymi pakakuqñataq nimunqa: Manañam kanñachu, nispa. Yaykuqñataqmi ninqa: ¡Upallay! Yanqañataq Tayta Diospa sutinpi jurawaq, nispa.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Efesios 5:11

Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Josué 5:9

Chaymi Josueyta Tayta Dios nirqa: “Kunanmi qechuykichik Egipto nacionpi sirviente kaspa penqay qepikichikta”, nispa. Chayraykum chay sitiota Gilgalwan suticharqaku. Kunankamapas hina chaynam sutin.

Josué 7:2

Josueymi Jericó llaqtamanta runakunata kacharqa Hai llaqtata wateqamunankupaq. Hai llaqtaqa tarikurqa Bet-avén llaqtapa hichpanpim hinaspa Bet-el llaqtapa intipa qespimunan lawninpim. Chay runakunam pasaspanku Hai llaqtata wateqamurqaku.