Oseas 4:14 - CHUYA QELLQA La Biblia en Quechua de Ayacucho 2012

¹⁴ Ichaqa, hayka qariwanña churikichik puñukuptinpas hukwan-hukwanña llumchuynikichik waqllikuptinpas paykunataqa manam castigasaqchu; qamkunapunipas chuchumika warmikunawan, idolokunata qachakuyninwan serviq warmikunawan qachakusqaykichikrayku. Chayraykum mana yachayniyuq llaqtaqa tuñichisqa kanqa.

Quechua Ayacucho Bible 1987

¹⁴ Ichaqa huchapakusqankumantaqa manam castigasaqchu warmi churikichikkunataqa. Ichaqa hukwan-hukwan kakusqankumantaqa manam castigasaqchu llumchuynikichikkunataqa. Qarikunapas chaynallamiki huchapakuq warmikunawan tupakurunkichik. Taytacha-mamachakunata serviq huchapakuq warmikunawanmi huñunakunkichik. Paykunawanmi qamkunaqa animalkunata ofrecenkichik. Mana entiendeq runakuna kaspaykichikmi urmaypaq-urmachkankichik.

Chuya Qellqa 1992

¹⁴ Ichaqa, hayka qariwanña churikichik puñukuptinpas hukwan-hukwanña llumchuynikichik waqllikuptinpas paykunataqa manam castigasaqchu; qamkunapunipas chuchumika warmikunawan, idolokunata qachakuyninwan serviq warmikunawan qachakusqaykichikrayku. Chayraykum mana yachayniyuq llaqtaqa tuñichisqa kanqa.

Oseas 4:14 Iomraidhean Croise

1~Reyes 15:12

Payqa nacionmantam qarqorurqa diosninkuta yupaychaspa qarimasillanwan qachakuqkunata, ñawpaq taytankunapa ruwachisqan idolokunatapas lliwtam wischururqa.

2~Reyes 23:7

Tuñichirqataqmi templopa pationpi qaripas warmipas qachakuyninkuwan idolokunata servinanku cuartokunatapas, chay cuartokunapim warmikunapas Asera idolopaq pachakunata awaqku.

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Isaías 1:5

¿Imanasqataq ñakarichinaytaraq munankichik? ¿Hinallaraqchu mana kasukuq kankichik? Tukuy umaykichikpi heridayuqmi kachkankichik, sonqoykichikpas nanay-nanaymi kachkan.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 56:11

Paykunaqa mikuspapas mana saksaq allqokunam, mana imatapas musyaq michiqkunam; sapakama munasqankuman hina kawsaqkunam, kikillankupaq chaskikuy munaqkunam.

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 4:17

Efrainmi idolokunaman qokurun, ¡hinayá chayna kawsachun!

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 7:17

Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Números 25:3

Chaynapim Israel runakunaqa Baal-peor idolotaña qatirqaku, chayraykum Tayta Dios paykunapa contranpi llumpayta piñakururqa.

Juan 8:43

¿Imanasqataq rimasqaykunataqa mana entiendenkichikchu? Palabray-kunata mana uyariy munasqaykichikrayku.

Romanos 3:11

manam pipas yachayniyuqqa kanchu, manataqmi pipas Diostaqa maskanchu.

1~Corintios 6:16

¿Manachu yachankichik pipas chuchumikawan kakuruspanqa huk cuerpollaña kasqankuta? Qellqapas kaynatam nin: Iskayninkum huk runa hinallaña kanqaku, nispa.

Efesios 4:18

Paykunaqa yuyayninku tutayasqa kaptinmi mana entiendenkuchu, Diospa qosqan musoq kawsaymantaqa karupim kachkanku, sonqonku rumiyasqa kasqanraykum mana yachayniyuq kachkanku.

Deuteronomio 23:17

Israel castakunamantaqa amam warmi churikichikpas idolokunata yupaychananpaqqa chuchumikaqa kanqachu, nitaqmi qari churikichikpas qaripura qachakuspaqa idolokunata yupaychanqachu.

Hebreos 12:8

Sichum Diosqa llapallan churinkunata corregichkaspan, qamkunatañataq mana corregisuptikichikqa hawa churinkuna hinachiki kawaqchik, manachiki cheqap churinchu kawaqchik.