Oseas 4:12 - CHUYA QELLQA La Biblia en Quechua de Ayacucho 2012

¹² Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Quechua Ayacucho Bible 1987

¹² Runaykunaqa imapas yachayta munaspam tapukunku kullumanta taytacha-mamachakunata. Runaykunaqa imatapas adivinaspam munachkanku tawnakunapas contestananta. Hukwan-hukwan kakuspam paykunaqa pantaypiña kachkanku. Diosninkumanta karunchakuruspam hukwan-hukwanña kakurunku.

Chuya Qellqa 1992

¹² Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Oseas 4:12 Iomraidhean Croise

2~Reyes 17:7

Chaykunaqa Israel runakunata pasarqa Egiptopa reynin Faraonpa makinmanta hurqomuqninku Tayta Diospa contranpi huchallikuspanku tukuy rikchaq idolokunataña yupaychasqankuraykum;

2~Crónicas 21:13

aswanqa Israelpi reykunapa mana allin kawsasqanman hinam. Acabpa mana allin ruwasqankunata hina ruwaspaykim Judá nacionpi kaqkunatawan Jerusalén llaqtapi kaqkunata huchallirachinki. Wañurachinkitaqmi wawqekikunatapas, paykunaqa qanmantapas aswan allin ruwaqkunam karqaku.

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 23:13

Samaria llaqtapi profetakunatam contraypi mana allinkuna ruwachkaqta rikurqani: Baal idolopa sutinpi profetizaspankum, Israel llaqtayta pantayman aparunku.

Ezequiel 20:32

Qamkunam nichkankichik: “Ñoqan-chikpas kaspimanta rumimanta idolokunata serviq nacionkuna hina kasunchik”, nispaykichik. Ichaqa manam qamkunapa munasqaykichikman hinachu kanqa.

Ezequiel 21:21

Babilonia nacionpa reyninmi chay iskay ñankunapa qallariyninpi sayaykuspan suerteta chamqachkan, flechankunatam taspichkan, idolonkunatam tapukuchkan, animalkunapa kichpannintam qawachkan.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Oseas 6:10

Israel llaqtapim millakuypaq kaqkunata rikurqani, chaypim Efraín waqllikurun, chaypim Israel millakuypaq huchawan inturachikun.

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Levítico 20:5

kikiypunim chay runapa contranpi chaynataq ayllunpa contranpipas sayarirusaq, hinaspam runamasinkunamanta chinkarachisaq, chinkarachisaqtaqmi paywan kuska chuchumika warmi hina Molocta yupaychaspa huchallikuqkunatapas.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Habacuc 2:19

¡Imallapiraq rikukunqa! Kullumanta idolota “rikchariy” niq runa, rumimanta mana rimaq idolota “hatariy” niq runa. ¿Yaqachu chay idolokuna imallatapas willakunman? Manam; qori-qollqewan llusisqaña kaspapas paykunaqa manam kawsankuchu.

Números 15:39

Chay kipuyuq qaytukunata qawarispaykichikmi kasukunaykichikpaq ñoqapa kamachikuyniykunata yuyarinkichik, chaynapim chuchumika warmi hinaqa sonqoykichikpa mana allin munasqankunapiqa manaña purinkichikchu.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Jueces 18:5

Chaymi paykuna nirqaku: Kunanyá Diosta tapuykapuwayku kay risqaykupi imaynas karamusaqku, nispanku.