Oseas 4:11 - CHUYA QELLQA La Biblia en Quechua de Ayacucho 2012

¹¹ Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Quechua Ayacucho Bible 1987

¹¹ Pipas hukwan-hukwan kakuspanqa mana entiendeqñam rikurirun. Vinolla aqalla upyakuq runaqa mana entiendeqñam rikurirun.

Chuya Qellqa 1992

¹¹ Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Oseas 4:11 Iomraidhean Croise

Proverbios 20:1

Vinoqa runatam manaña penqakuqta ruwan, aqañataqmi yanqakuna rimaqta ruwan; macharuspaqa ima ruwasqantapas manam yuyakunchu.

Proverbios 31:4

Lemuel, manam allinchu reykunapa vino tomayninqa manam allinchu kamachikuqkunapa aqa upyayninqa;

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 5:12

Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Jeremías 23:13

Samaria llaqtapi profetakunatam contraypi mana allinkuna ruwachkaqta rikurqani: Baal idolopa sutinpi profetizaspankum, Israel llaqtayta pantayman aparunku.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Oseas 7:11

Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.