Oseas 4:1 - CHUYA QELLQA La Biblia en Quechua de Ayacucho 2012

¹ Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Quechua Ayacucho Bible 1987

¹ Israelpa mirayninkuna, uyariychikyá Tayta Diospa nisqanta. Payqa kay nacionpi yachaqkunatam acusachkan kaynata: Kay nacionpiqa manam pipas rimanñachu cheqap kaqtaqa. Kay nacionpiqa manam pipas yachanñachu kuyapayakuytaqa. Manam pipas reqsinchu paypuni cheqap Dios kasqantaqa.

Chuya Qellqa 1992

¹ Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 4:1 Iomraidhean Croise

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

Isaías 1:10

Sodoma llaqtapi kamachikuqkuna, Diospa Chuya siminta uyariychik. Gomorra llaqtapi runakuna, Diosninchikpa yachachikuyninta uyariychik.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 28:14

Chaynaqa, Jerusalén llaqtapi llapa qara uya kamachikuqkuna, Tayta Diospa nisqanta uyariychik.

Isaías 34:1

Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Isaías 34:8

Tayta Diospa vengakunan punchawmi kanqa, Jerusalén llaqtapa kutiykachikunan watam kanqa.

Isaías 5:3

Chaynaqa, Jerusalenpi yachaqkuna, Judá nacionpi runakuna niwaychik: ¿Pitaq kayna kananpaq pantarun, uvas plantaychu icha ñoqachu?

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Isaías 59:8

Hawkalla kawsaytaqa manam reqsinkichikchu, qamkunaqa manam allin ruwayta yachankichikchu. Ñan purisqaykichikpas pantayllam, pipas chayninta puriqqa manam hawka kawsaytaqa tarinqachu.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 11:7

Taytaykichikkunata Egiptomanta hur-qomuspaymi kasuwanankupaq kama-chirqani. Chay tiempomantam kunankama kasuwanankupaq chaylla-chaylla rimapayarqani.

Jeremías 19:3

kaynata nimunki: Judá nacionpi reykuna, Jerusalén llaqtapi yachaqkuna, Tukuy Atiyniyuq Tayta Diospa nisqanta uyariychik: Israelpa yupaychasqan Tayta Diosmi kayna nin: Kay sitiopa contranpim hatun castigota kacharimusaq, pipas chayta uyariqkunaqa muspaypi hinaraqmi rikurinqaku.

Jeremías 2:4

Jacobpa mirayninkuna, Israelpi llapallan ayllukuna, Tayta Diospa nisqanta uyariychik.

Jeremías 2:9

Chayraykum ñoqa Tayta Dios kaynata nini: Qamkunatawan willkaykichikkunatam juicioman apasqaykichik.

Jeremías 25:31

Kay pachapa cantonkamaraqmi qapariynin uyarikunqa, Tayta Diosmi nacionkunata juicioman qayanqa; llapallan runakunamantam cuentata mañanqa, mana allin ruwaqkunatam guerrapi wañuchinqa, Tukuy Atiyniyuq Tayta Diosmi chaynata nin.

Jeremías 34:4

Chaywanpas Judá nacionpa reynin Sedequías, ñoqa Tayta Diospa nisqayta uyariy: Qamqa manam guerrapichu wañunki.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 4:28

Chaynapim kay pachapas llakipi tarikunqa, cielokunapas tutayanqa. Rimasqaymantaqa manam pesakusaqchu, ruwanaypaq tanteasqaymantaqa manam qepaman kutisaqchu.

Jeremías 5:4

Chaymi nirqani: Kaykunaqa mana yachayniyuq runakunam, locoyaruspankum Tayta Diospa munasqanman hina kawsaytaqa mana yachankuchu, Diospa kamachikuynintapas manam yachankuchu.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Jeremías 7:28

Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Jeremías 9:7

Tukuy Atiyniyuq Tayta Diosmi kaynata nin: Ruwasqaymanta mastaqa, ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Ezequiel 16:35

Chaynaqa, yaw chuchumika warmi, ñoqa Tayta Diospa nisqayta uyariy.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 12:3

Jacobqa mamanpa wiksallanmantaraqmi wawqenta talonninmanta hapimurqa, hatun runaña kaspanmi Dioswan pelearqa.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Joel 1:2

¡Kamachikuqkuna kayta uyariychik! ¡Israel runakuna kayta uyariychik! ¿Yaqachum tiempoykichikpi kaykuna pasakurqa otaq ñawpaq taytaykichikkunapa tiemponpipas?

Amós 3:1

Israelpa mirayninkuna uyariychik Tayta Diospa imam nisqanta. Egiptomanta hurqomusqan runakunapa contranpim kaynata nin:

Amós 7:16

Chaynaqa, Tayta Diospa nisqanta uyariy. Qanmi ninki: “Ama Israelpa contranpi nitaq Isaacpa mirayninkunapa contrapipas profetizaychu”, nispa.

Miqueas 6:2

Orqokuna, kay pachapa cimientonkuna uyariychik, Tayta Diosmi llaqtanwan quejaman yaykurun, Israelpa contranpim juiciota kichaykun.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 2:29

Pipas uyarikuqqa, iglesiakunaman Espiritupa nisqantayá uyarichun, nispa.