Oseas 3:2 - CHUYA QELLQA La Biblia en Quechua de Ayacucho 2012

² Chaymi warmiy kananpaq soqta onza qollqewan hinaspa carga parten cebadawan rantirurqani.

Quechua Ayacucho Bible 1987

² Hinaptinmi chay warmitaqa ñoqapaq rantirqani yaqa soqta onza qollqewan, pagarqanitaqmi kimsa pachak kimsa chunkan kilo cebadatapas.

Chuya Qellqa 1992

² Chaymi warmiy kananpaq soqta onza qollqewan hinaspa carga parten cebadawan rantirurqani.

Oseas 3:2 Iomraidhean Croise

Génesis 31:41

Chaynatam wasikipi iskay chunka wata karqani. Chunka tawayuq watam iskaynin churikikunamanta servirqayki, soqta watañataqmi animalnikikunamanta. Pagoytapas sapa kutillam cambiaruq kanki.

Génesis 34:12

Ima regalokunataña mañakuptikichikpas qosqaykichikmi. Panikichikwan casararachiwaychik, nispa.

Éxodo 22:17

Taytan mana casarachiyta munaptinqa, casarachkaq hinam engañasqanmanta costumbreman hina chay sipaspa precionta qollqenpi paganqa.

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Ezequiel 45:11

Kawsaykuna tupunawan tomanapaq kaqkuna tupunaqa iguallam kanqa; iskay pachak iskay chunka litro yaykuq homermi kanqa tukuy ima tupukunapa maman. Tomanapaq kaqkuna tupuna batom kanqa iskay chunka iskayniyuq litro yaykuq. Harinakuna tupuna efam kanqa iskay chunka iskayniyuq kilo yaykuq.

Oseas 3:3

Hinaspaymi nirqani: Qamqa unaypaqmi warmiy kanki; chaynaqa amam huchapakunkiñachu nitaqmi qarikunawanpas kakunkiñachu, ñoqapas manam qanwanqa puñusaqchu, nispay.

Levítico 27:16

Pipas hukkaqnin herencia chakranta ñoqa Tayta Diospaq sapaqchapuwaptinqa, precionmi kanqa tarpunapaq muhu yaykusqanman hina. Chakraman pachak iskay chunka kilo cebada yaykuptinqa medio kilo qollqe masninmi valenqa.

Rutwan Sutichasqa Libro 4:10

Casarakusaqtaqmi Mahlonpa viudan Moabita Rutwanpas. Chaynata ruwaptiymi wañukuq Mahlonpa chakrankunapas hina sutillanpi kanqa. Chaynapim paypa ayllunpas nitaq mirayninpas mana chinkanqachu. Chaynaqa, kunanmi qamkuna testigo kankichik, nispa.

1~Samuel 18:25

Saulmi munachkarqa Davidqa filisteokunapa makinman wichiykunanta. Chayraykum serviqninkunata nirqa: Davidta nimuychik: Costumbreman hina warmi churinrayku imapas qonaykimantaqa reyqa munachkan enemigon filisteokuna vengakuytam. Reyqa mu-nachkan pachak filisteokunata wañu-chimuspa qari kayninkupa qarachanta payman qonaykitam, nispa.