Oseas 2:5 - CHUYA QELLQA La Biblia en Quechua de Ayacucho 2012

⁵ Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Quechua Ayacucho Bible 1987

⁵ Paykunapa mamanqariki hukwan-hukwanmi tupakururqa. Paykunata wachakuqmi penqaypi karurqa. Paykunapa mamanqa kaynatam nirqa: “Pasakusaqyá amigoykunawan. Paykunaqariki mikunaytawan yakutam qowan. Paykunaqariki qowanmi millwatawan linotapas. Paykunaqariki qowanmi aceitetawan tomanaytapas.”

Chuya Qellqa 1992

⁵ Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 2:5 Iomraidhean Croise

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 6:8

¡Jerusalén llaqta, wanakuyña, qanmanta mana karunchakunaypaq! Yanqañataq chunniqman tikraruykiman, yanqañataq mana pipa yachananman tikraruykiman.

Ezequiel 16:35

Chaynaqa, yaw chuchumika warmi, ñoqa Tayta Diospa nisqayta uyariy.

Ezequiel 16:39

Paykunaman qoykuptiymi idoloykikunata yupaychanaykipaq capillakuna ruwasqaykitapas tuñichinqaku. Paykunam pachaykita chusturususpayki sumaq alhajaykikunatapas apakunqaku, hinaspam pasaypaq qalallata saqerusunki.

Ezequiel 16:4

Naceruptikiqa manam pupuykitapas kuchurqachu, manam kachiwanpas qaqosurqankichu, nitaqmi pipas qellpusurqankichu.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Oseas 2:8

Payqa manam reqsikurqachu trigota, vinota hinaspa aceiteta qosqaytapas; qorita qollqeta mirachipusqaytapas manam reqsikurqachu, chaywanraqmi Baal idolotapas ruwakururqa.

Oseas 3:1

Tayta Diosmi yapamanta niwarqa: Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.

Oseas 4:5

Tuta punchawmi huchallikunkichik, profetakunatapas huchamanmi tanqaykunkichik, chayraykum mamaykichikta wañurachisaq.

Oseas 8:9

Purun asno hinam Asiria nacionpi yanapakuyta maskanku, Efrainqa regalokunata qosparaqmi waynankunata maskakurun.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Amós 8:13

Kuyayllapaq sipaskunam, kallpanpi jovenkunam, chay punchawqa yakumanta wañunayanqaku.

Jueces 16:23

Filisteokunapa kamachiqninkunam huñunakururqaku Dagón sutiyuq idolonkuta yupaychaspa animalkunata wañuchipunankupaq, paykunam kusikuspa nirqaku: Diosninchikmi Sansonta qoykuwanchik. Enemigonchik runatam qoykuwanchik, nispanku.