Oseas 2:3 - CHUYA QELLQA La Biblia en Quechua de Ayacucho 2012

³ Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Quechua Ayacucho Bible 1987

³ Mana chayqa pasaypaq qalallatam saqeruyman. Nacesqan punchawpi hinam qalallata saqeruyman. Mana imayoq chunniqta hinam rurarusaq. Chakisqa allpata hinam rurarusaq. Yakunayayllamantam wañurachisaq.

Chuya Qellqa 1992

³ Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Oseas 2:3 Iomraidhean Croise

Éxodo 17:3

Ichaqa runakunam yakumanta kaspanku Moisespa contranpi kaynata nirqaku: ¿Imapaqtaq Egipto nacionmanta hur-qomuwarqankiku, churiykutawan ani-malniykutapas yakumanta wañuchiwanaykikupaq? nispanku.

Isaías 33:9

Kay allpam llakipi tarikun, Líbano orqopi sachakunam chakiruspan penqaypi rikurirun, Saronpas chunniqñam kachkan, Basanpiwan Carmelo orqopi sachakunapas mana rapiyuqñam kachkan.

Isaías 47:3

Lliwpa qawasqanmi qalalla purinki, penqaynikim qawakunqa; chayna kanaykikamam vengakusqayki, manam pipas librasunkichu.

Isaías 64:10

Akllakusqayki llaqtaykikunam chunnichkan, Sión llaqtapas chunnirunñam, Jerusalén llaqtapas purmarunñam.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 13:26

Chaynam ñoqapas walikita uyaykikama qempiruspay, penqaynikita qawachisaq.

Jeremías 14:3

Apukunam criadonkuta yakuman kachanku, qochakunamanmi kallpanku, ichaqa manam yakuta tarimunkuchu; vacío puyñu aysarisqam kutimunku. Mana tarimuspankum penqakuymanta uyankuta tapakunku.

Jeremías 17:6

Chayna runaqa, chunniqpi wiñaq retama hinam kanqa, allin kaqtaqa manam haykapipas rikunqachu; aswanqa rumikunapa chawpinpi, qollpa allpapi, mana pipapas yachanan allpapi wiñaq sacha hinam kanqa.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 22:6

Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Jeremías 4:26

Qawariptiymi tukuy imapa wiñanan allpapas chunnichkasqaña, llaqtakunapas lliwmi purmachkasqaña. Tayta Diospa manchakuypaq piñakuyninmi tukuy chaykunata ruwarusqa.

Jeremías 51:43

Llaqtankunapas pasaypaq chunnichisqam rikurirun, manaña imapa kanan chaki allpam rikurirun, chaypiqa manañam pipas yachanqañachu, manañam pipas chaynintaqa pasanqañachu.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Ezequiel 16:22

Qamqa millakuypaq kaqkunata ruwaspam chaynataq hukwan-hukwan qanrakuspam imaynam wawa kaspayki qalalla kasqaykitawan yawarnikipi qochpasqaykitapas manaña yuyankiñachu.

Ezequiel 19:13

Kunanqa mana yakupa kanan chunniq chaki allpapim plantasqa kachkan.

Oseas 13:15

Efraín llaqta musoqmanta hatariptinpas intipa qespimunan lawmantam viento hamunqa, chunniqmantam Diospa wayran hamunqa, yakupa kasqan pukyukunam chakinqa, qori-qollqenkunatapas enemigonkunam apakunqa.

Oseas 2:10

Kuyaqninkunapa qayllanpim millay warmi kasqanta qawachisaq, makiymantaqa manam pipas libranqachu.

Apocalipsis 17:16

Mancha-kuypaq animalpi chunka waqrakuna rikusqaykiqa chunka reykunam, paykunaqa manchakuypaq animalpiwanmi chuchumikata cheqninqaku, hinaspam wischurayachkaqta qalallata saqerunqaku. Aychanta mikuruspankum kañaykunqaku.

Jueces 15:18

Chaymantam Sansonqa sinchita yakunayaruptin Tayta Diosta kaynata qayakurqa: ¿Kaynaña runata vencerachiwachkas-pachu kunanñataq yakumanta wañurachiwankiman kay mana reqsisuqniki runakunapa makinpi? nispa.