Oseas 2:20 - CHUYA QELLQA La Biblia en Quechua de Ayacucho 2012

²⁰ Manaña rakinakunapaq casaraptiymi Dios kasqayta riqsiwanki.

Quechua Ayacucho Bible 1987

²⁰ Tayta Dios kasqayta yachanaykipaqmi casarasqayki. Mana rakinakunanchikpaqñam casarasqayki.

Chuya Qellqa 1992

²⁰ Manaña rakinakunapaq casaraptiymi Dios kasqayta riqsiwanki.

Oseas 2:20 Iomraidhean Croise

Génesis 9:10

ruwanitaqmi alton pawaq animalkunawan, uywa animalkunawan, purun animalkunawan llapallan kay pachapi arcamanta lloqsimuq animalkunawanpas.

Isaías 2:4

Diosmi nacionkunata juzganqa, paymi llapa llaqtakunapa cheqninakuyninkuta allichanqa. Chaynapim espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpurapas wañuchinakunqakuñachu, guerrapaqpas manañam yachachinakunqakuñachu.

Isaías 62:4

Manañam pipas “Saqerusqa llaqta” nispa sutichasunkiñachu, allpaykitapas manam “Purmachisqa allpa” ninqakuñachu. Aswanqa “Diospa kuyasqan” nispam sutichasunki, “Diospa esposan” nispam sutichasunki. Chaynataqa sutichasunki Tayta Diospa kuyakuynin qanwan kasqanraykum, allpaykipaqpas paymi qosan hina kanqa.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 32:41

Paykunata bendecispaymi paykunawan kusikusaq. Cheqaptapunipas tukuy sonqoywan hinaspa kuyakuyniywanmi kay allpapi kawsachisaq.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Ezequiel 16:62

Huktawanmi pactota qanwan ruwasaq, hinaptinmi Tayta Dios kasqayta yachanki.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Ezequiel 34:25

Ovejaykunawanmi hawkaña kawsakunankupaq huk pactota ruwasaq. Mikukuq purun animalkunata nacionninkumanta chinkarachiptiymi chunniqpipas hawkaña kawsakunqaku, montekunapipas hawkañam puñukunqaku.

Ezequiel 34:27

Campopi sachakunapas sumaqllatañam rurunqa, chakrapas achkanpim rurunqa, hinaptinmi paykunaqa chakrankupiña hawka kawsakunqaku. Servichikuqninku nacionkunapa yugo churasqanta pakiruspa libraykuptiymi Tayta Dios kasqayta yachanqaku.

Ezequiel 38:23

Chaykunawanmi atiyniytawan chuya kayniyta achka nacionkunaman qawachisaq, hinaptinmi Tayta Dios kasqayta yachanqaku.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Oseas 2:19

Israel llaqta, wiñaypaqñam casarasqayki, leyman hinam casarasqayki; qamllapaqña kaspaymi, llakipayaspay, kuyapayaspay casarasqayki.

Oseas 6:6

Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Levítico 26:5

Kawsaykuna cosechasqaykichikpas uvas pallaykamam haypanqa, uvas pallaynikichikñataqmi tarpuykama haypanqa, hinaptinmi saksanaykichikkama mikunkichik, allpaykichikpipas hawkallam yachakunkichik.

Levítico 26:6

Nacionnikichikpim hawka kawsakuyta qosqaykichik, hinap-tinmi puñuspapas mana pipa manchachisqan puñukunkichik. Manchakuypaq monte animalkunatapas nacionnikichikmantam chinkachisaq, guerrapas chay-piqa manañam kanqachu.

Miqueas 4:3

Tayta Diosmi llapa llaqtakunata juzganqa, karupi kaq atiyniyuq nacionkunatapas derechonmanmi churanqa. Paykunañataqmi espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpura peleanqakuñachu, guerrapaqpas manañam mastaqa allichakunqakuñachu.

Zacarías 9:10

Paymi Efrainpa carretankunatawan Jerusalenpa caballonkutapas chinkachinqa, guerrapaq arcokunatapas pakipanqam. Nacionkunapa hawkayaynintam rimarinqa, lamar qochapa kaylaw patanmanta waklaw patankamam munaychakunqa, Eufrates mayumanta qallaykuspam kay allpa pachapa patankama munaychakunqa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Colosenses 1:10

Mañakuchkanikuqa Señor-pa qatiqninkuna hina kawsaspa, paypa munasqanta ruwaspa allinta rurunaykichikpaqmi chaynataq aswan mastaraq Diosninchikmanta yachanaykichikpaqmi.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

Hebreos 8:11

Manañam pipas runamasinta nitaq wawqentapas yachachinqachu: “Señorta reqsiy” nispaqa. Warmakunapas, yuyayniyuqkunapas llapallankum reqsiwanqaku.

1~Juan 4:6

Ñoqanchikmi ichaqa Diospa churinña kanchik, haykam Diosta reqsiqqa uyariwanchikmi, Diosta mana reqsiqmi ichaqa mana uyariwanchikchu. Chaywanmi reqsinchik cheqap espíritu otaq pantachikuq espíritu kasqantapas.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.