Oseas 2:19 - CHUYA QELLQA La Biblia en Quechua de Ayacucho 2012

¹⁹ Israel llaqta, wiñaypaqñam casarasqayki, leyman hinam casarasqayki; qamllapaqña kaspaymi, llakipayaspay, kuyapayaspay casarasqayki.

Quechua Ayacucho Bible 1987

¹⁹ Israel runakuna, wiñaypaqñam casarasqayki. Leyman hina warmiypaqñam chaskisqayki. Llakipayaspaymi, kuyapayaspaymi casarasqayki.

Chuya Qellqa 1992

¹⁹ Israel llaqta, wiñaypaqñam casarasqayki, leyman hinam casarasqayki; qamllapaqña kaspaymi, llakipayaspay, kuyapayaspay casarasqayki.

Oseas 2:19 Iomraidhean Croise

Isaías 1:27

Sionpi yachaqkunatam allinta ruwaspay librasaq, lliw wanakuqkunatam allinkunata ruwaspay librasaq.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Isaías 54:6

Qosan saqeruptin llakisqa sonqoyuq warmita hinam, sipasllaraq kayninpi qosanpa saqesqan warmita hinam, Tayta Dios qayasurqanki, hinaspam nisunki:

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Ezequiel 39:29

Manañam paykunataqa haykapipas qepanchakusaqñachu, Espirituytam paykunaman chaqchurisaq. Ñoqa Tayta Diosmi chaynata nini.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Joel 3:20

Judá nacionwan Jerusalenmi ichaqa runakunapa wiñaypaq yachanan kanqa.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Romanos 7:4

Wawqe-panillaykuna, chaynam qamkunapas Cristoman hukllawa-kuspaykichikqa leypaqa wañurunkichikña, wañusqanmanta kawsari-muq Jesucristowan hukllaña kanay-kichikpaq, chaynapi Diosllataña servinanchikpaq.

2~Corintios 11:2

Diospa sientisqanman hinam qamkunamanta sientikichik. Chullalla qariwan casarakuq mana qari reqsiq sipasta hinam Cristoman presentanaypaq prometekurqaykichik.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.