Oseas 2:13 - CHUYA QELLQA La Biblia en Quechua de Ayacucho 2012

¹³ Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Quechua Ayacucho Bible 1987

¹³ Paytaqa Baal sutiyoq taytachakuna adorasqanmantam castigasaq. Chay taytachakunaman incienso kañasqanmantam castigasaq. Payqa anillonkunawan adornakuykuspam amigonkunata qatikurqa. Payqa alhajankunawan adornakuykuspam amigonkunata qatikurqa. Chaykunata ruraspanmi ñoqataqariki qonqaruwarqa. Ñoqa Tayta Diosmi chaynata nini.

Chuya Qellqa 1992

¹³ Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Oseas 2:13 Iomraidhean Croise

2~Reyes 1:2

Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

2~Reyes 10:28

Chaynatam Israelmanta Baal idolota Jehú chinkarachirqa.

2~Reyes 21:3

Taytan Ezequiaspa tuñichisqan capillakunatapas musoqmanta hatarichispanmi, Baal idolopaqña altarkunata ruwarqa. Israelpa reynin Acab hinam Asera idolotapas ruwarqa. Cielokunapi chaskakunatapas yupaycharqam.

Jobwan Sutichasqa Libro 8:13

Chaynam Diosta qonqaruq runapa kawsayninqa, chaynam tukunqa Diosta qonqaruq millay runaqa.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Isaías 17:10

Israel, salvaqniki Diostam qonqarunki, amparakunaykipaq kaqtam mana yuyankichu. Kuyayllapaq plantakunatam plantakunki, huklaw nacionmanta apamusqa miskillaña ruruq sachapa takarpunkunataraqmi tarpunkipas,

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Lamentaciones 1:4

¡Sionman rina ñankunam llakikuypaq kachkanku! fiestakunaman hamuqpas manañam kanñachu; punkunkunam chunnichkan, sacerdotekunam waqachkanku, sipaskunam waqachkanku, Jerusalenmi llakiwan inturachikun.

Lamentaciones 5:14

Ancianokunapas llaqtapa punkunpiqa manañam kanñachu, jovenkunapas manañam takinkuñachu.

Ezequiel 16:12

Senqaykimanpas huk anillotam churaykurqayki, rinriki-manpas aretekunatam churaykurqayki, umaykimanpas huk coronatam churay-kurqayki.

Ezequiel 16:17

Qamqa qorimanta qollqemanta alhajakuna qosqaywanpas qariman rikchakuq idolokunatam ruwakururqanki, hinaspam chaykunawan qanrakururqanki.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Ezequiel 23:35

Chaynaqa, ñoqa Tayta Diosmi kaynata nini: Qonqaruwaspa, qepanchakuruwaspayki, munasqaykipi purispa hukwan-hukwan qanrakusqaykimantam castigota ñakarinki, nispa.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 13:1

Efraín castakuna rimariptinqa lliwmi manchakuqku, Israelpi llapallan ayllukunam respetaqku; ichaqa Baal idolota yupaychasqankuraykum Efraín castakunaqa wañurunku.

Oseas 13:6

Mikuyta qoykuptiymi paykuna saksarurqaku, saksaykuspankuñataqmi hatunchakururqaku, hinaspam qonqaruwarqaku.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 2:7

Kuyaqninkunata qatispanpas manam haypanqachu, maskaspanpas manam tarinqachu. Hinaspam ninqa: “Kayna kanaytaqa punta qosayman kutikusaq, paywanqa allinmi karqani”, nispan.

Oseas 4:13

Orqokunapa puntanman qespispankum hatun sachakunapa ukunpi idolonkupaq animalkunata wañuchispa ofrecenku. Warmi churinkunawan llumchuyninkunañataqmi waqllikuypi purichkanku.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Deuteronomio 32:18

Israelpa mirayninkuna, amparaqnikichik taytaykichiktam qonqarunkichik, kawsay qosuqnikichik Tayta Diostam qonqarunkichik.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.

Jueces 3:7

Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku.

1~Samuel 12:9

Paykunam ichaqa Diosninkuta qonqarurqaku. Chaymi Tayta Diosqa paykunata, Hazor llaqtapa tropakunata kamachiq Sísara sutiyuq runapa munaychakunanpaqña qoykurqa; qoykurqataqmi Filistea chaynataq Moab casta runakunamanpas, chaynapim paykuna guerrapi karqaku.