Oseas 2:10 - CHUYA QELLQA La Biblia en Quechua de Ayacucho 2012

¹⁰ Kuyaqninkunapa qayllanpim millay warmi kasqanta qawachisaq, makiymantaqa manam pipas libranqachu.

Quechua Ayacucho Bible 1987

¹⁰ Amigonkuna qawachkaptinmi rikurirachisaq qalallata. Makiymantaqa manam pipas atinqachu librayta.

Chuya Qellqa 1992

¹⁰ Kuyaqninkunapa qayllanpim millay warmi kasqanta qawachisaq, makiymantaqa manam pipas libranqachu.

Oseas 2:10 Iomraidhean Croise

2~Crónicas 24:7

Mana allin ruwaq Ataliawan wawankunam Tayta Diospa templonman yaykuruspanku llapa idolonkuta yupay-chanankupaq Tayta Diospaq sapaqchasqa serviciokunata aparurqaku.

Proverbios 11:21

Mana allin runaqa castigasqapunim kanqa, allin kawsakuqmi ichaqa librasqa kanqa.

Isaías 3:17

Ñoqa Tayta Dios castigaspaymi paykunapa uma puyukninta isuyachisaq, chay warmikunapa penqayninkutam runakunaman qawachisaq.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 13:26

Chaynam ñoqapas walikita uyaykikama qempiruspay, penqaynikita qawachisaq.

Ezequiel 16:16

Chay pachaykikunawanmi ídolo yupaychanayki carpakunata moqokunapi ruwakururqanki, chaykunapim hukwan-hukwan qanrakurqanki. Chaynakuna ruwayqa manam haykapipas karqachu, nitaqmi kanqachu.

Ezequiel 16:19

Mikunaykipaq qosqay trigo harinatawan aceiteta hinaspa abejapa miskintapas paykunamanmi qoykurqanki, miski asnaq ofrendata hinaraqmi paykunaman ofrecerqanki. Ñoqa Tayta Diosmi chaynata nini.

Ezequiel 23:29

Paykunam cheqnikuyllawanña tukuy imata ruwasunki, llamkaspa ganakusqaykitapas qechususpaykim qalallataña saqerusunki. Chuchumika kaynikipi hukwan-hukwan kakusqayki cuerpoykitam llapallanman qawachinqaku. Huchapakuspa hukwan-hukwan qanrakusqaykimantam

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Oseas 13:1

Efraín castakuna rimariptinqa lliwmi manchakuqku, Israelpi llapallan ayllukunam respetaqku; ichaqa Baal idolota yupaychasqankuraykum Efraín castakunaqa wañurunku.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Oseas 6:9

Sacerdotekunapas wateqaq suwakuna hinam, Siquem llaqtaman rina ñanpi huñunakuruspam runakunata wañuchinku, paykunaqa penqaypaq kaqkunatam ruwanku.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.