Oseas 14:9 - CHUYA QELLQA La Biblia en Quechua de Ayacucho 2012

⁹ Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Quechua Ayacucho Bible 1987

⁹ Willakusqaytayá entiendechun yachayniyoq runakunaqa. Nisqaykunatayá yachachun entiendeq runakunaqa. Munasqanman hinam mana pantaqta kawsachiwanchik Tayta Diosqa. Allin ruraq runakunaqa chaynatam kawsanku. Mana kasukuqkunam ichaqa urmarunku.

Chuya Qellqa 1992

⁹ Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Oseas 14:9 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Jobwan Sutichasqa Libro 17:9

Allin ruwaq runakunaqa kawsasqanpim kallpanchakunku, mana huchayuqkunaqa kallpankutam mirachinku.

Proverbios 10:29

Tayta Diosqa allin ruwaqkunatam waqaychan, mana allin ruwaq runakunatam ichaqa tuñichin.

Proverbios 16:21

Yachayniyuq runataqa “yachayniyuq” nispam sutichanku, miski simi runaqa yachaytam mirachin.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 1:28

Mana kasukuqkunawan huchasapakunaqa ñutusqam kanqaku, ñoqamanta karunchakuqkunaqa wañuchisqam kanqaku.

Isaías 17:8

Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Isaías 26:7

Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Jeremías 29:12

Chaymi qayakamuwaspa maña-kuwaptikichik uyarisqaykichik.

Jeremías 9:12

Ñoqañataqmi nirqani: ¿Pitaq yachaysapa runa kanman kaykunata yachananpaq? ¿Pimantaq kaykunata Tayta Dios rimapayarqa chaynapi wakin runakunamanpas willakunanpaq? ¿Ima-nasqataq kay nación purmachisqa kachkan, manaña pipapas purinan chunniq kanankama? nispa.

Ezequiel 11:18

Paykunam llaqtankuman kutispanku llapallan cheqnisqay kaqkunata hinaspa llapallan millakuypaq kaqkunata chinkachinqaku.

Ezequiel 18:25

Ichapas qamkuna niwankichikman: “Señor, qamqa manam allin arregloman hinachu juzgachkanki”, nispaykichik. Chaynaqa, Israelpa mirayninkuna uyariwaychik: Ñoqaqa allin arregloman hinam ruwachkani. Qamkunam mana allintaqa ruwachkankichik.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Zacarías 10:6

Judapa mirayninkunatam kallpanchasaq, Joseypa mirayninkunatam salvaykusaq, llakipayasqayraykum paykunata allpankuman kutichimusaq, mana haykapipas qepanchasqay hinam kanqaku. Ñoqa Tayta Dios, Diosninku kasqayraykum mañakuyninkutapas uyariykusaq.

Mateo 11:19

Runapa Churin hamuspa mikuptin tomaptinñataqmi ninkichik: “Kay runaqa mikuysapa hinaspa vinolla upyakuqmi, impuesto cobraqkunapa hinaspa huchasapakunapa amistadninmi”, nispaykichik. Diospa yachayninqa ruwasqankunapim qawachikun, nispa.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 7:23

Mayna kusisqam mana iskayrayaspa ñoqapi hapipakuqkunaqa, nispa.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

Juan 18:37

Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 8:47

Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.

Juan 9:39

Jesusñataqmi nirqa: Ñoqam kay pachaman juzganaypaq hamurqani, chaynapi ñawsakuna qawakunankupaq, qawakuqkunañataq ñawsayanankupaq, nispa.

Hechos 13:10

¡Llullakuypa hinaspa tukuy mana allinta ruwaspa allin kaqkunapa contranpi sayariq supaypa churin runa! ¿Imanasqataq mana samaspa Señorpa cheqap ñanninkunapi kay munaqkunata pantachichkanki?

Romanos 7:12

Chaywanpas Diospa qosqan leyqa chuyam. Kamachikuykunapas chuyam, mana pantayniyuq hinaspa allinpunim.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Apocalipsis 15:3

Paykunam Diosta serviq Moisespa takintawan hinaspa Corderopa takinta kaynata takirqaku: “Tukuy Atiyniyuq Señor Diosnillayku”, tukuy ruwasqaykikunaqa hatu-hatun admirakuypaqmi, ñannikikunaqa cheqapmi hinaspa allinpunim, nacionkunapi munaychakuq Reymi kanki,