Oseas 14:4 - CHUYA QELLQA La Biblia en Quechua de Ayacucho 2012

⁴ Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Quechua Ayacucho Bible 1987

⁴ Tayta Diosmi nin kaynata: Ñoqam pampachasqaykichik karunchakuwasqaykichikmanta. Mana pipapas harkakusqanmi kuyasqaykichik qamkunata. Piñakuyniyqa ñam karunchakurunña qamkunamanta.

Chuya Qellqa 1992

⁴ Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Oseas 14:4 Iomraidhean Croise

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Isaías 57:18

Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 17:14

Dios Taytalláy, hampiykuwaptikiqa sanoyasaqmi, salvaykullawaptikiqa salvakusaqmi, qamllatam yupaychasqayki.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Ezequiel 33:14

Sichum mana allin ruwaq runata nisaq: “Wañunkipunim” nispay, hinaptin payñataq huchanmanta wanakuspan allin arregloman hina allintaña ruwaspan,

Ezequiel 36:36

Chaynapim muyuriqnikichikpi qepaq nacionkuna yachanqaku tuñichisqa kaqkunata ñoqa Tayta Dios musoqmanta hatarichisqayta, purmachisqa chakrakunatapas kaqllamanta tarpusqayta. Ñoqa Tayta Diosmi chaynata nini, nisqayqa ruwasqam kanqa.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Oseas 2:19

Israel llaqta, wiñaypaqñam casarasqayki, leyman hinam casarasqayki; qamllapaqña kaspaymi, llakipayaspay, kuyapayaspay casarasqayki.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Números 25:11

Aaronpa willkan otaq Eleazarpa churin sacerdote Fineesmi Israel runakunapa contranpi piñakuyniyta tanirachin, payqa ñoqa hina piñakuspam chay runata wañurachirqa. Chayraykum Israel miraykunapa contranpi llumpayta piña-kuchkaspaypas paykunataqa mana puchukarachirqanichu.

Números 25:4

Hinaspam Moisesta nirqa: Llapa kamachiqninkunata huñuruspa lliw runapa qawasqanta ñoqa Tayta Diospa qayllaypi punchaw pacha warkurariy, chaynapim Israel runakunapa contranpi piñakuyniy taninqa, nispa.

Romanos 3:24

Diosmi ichaqa kuyapayakuyninpi mana imallapaq, Cristo Jesús rantin-chikpi wañusqanrayku mana huchayuqtaña ruwaykuwanchik.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

Tito 3:4

Aswanqa salvaqninchik Diosmi sumaq sonqo kaynintawan kuyakuyninta runakunaman reqsichiwarqanchik.