Oseas 14:2 - CHUYA QELLQA La Biblia en Quechua de Ayacucho 2012

² Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Quechua Ayacucho Bible 1987

² Tayta Diosman kutikuspayá ruegakuychik. Kaynatayá qamkunaqa niychik: “Pampachaykuwaykuyá tukuy mana allin rurasqaykumanta. Kuyakuywanyá chaskiykuy alabamusqaykuta. Ofrendata hinayá chaskiykuy alabamusqaykuta.

Chuya Qellqa 1992

² Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Oseas 14:2 Iomraidhean Croise

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

Jobwan Sutichasqa Libro 7:21

¿Manachum huchallayta pampachaykuwankiman? ¿Manachum mana allin ruwasqaymanta mayllaykuwankiman? Ñoqaqa chayllam allpaman kutiykusaq, maskawaspaykipas manañam tariwankiñachu, nispa.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 6:7

Chaywan simiyta tupaykachispanmi niwarqa: Kunanmi simikita kay sansa tupaykun, mana allinkuna ruwasqaykitam qechurun, huchaykikunapas pampachasqañam, nispa.

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Oseas 12:7

Negociantekunaqa suwakuq balanzatam hatallinku, paykunaqa runamasin engañayllatam maskanku.

Oseas 5:5

Hatun tukuq kayninmi Israelpa contranpi declaranqa, huchankuraykum Israelpas chaynataq Efraimpas wichinqaku, paykunawan kuskam Judapas wichinqa.

Oseas 6:6

Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Joel 2:17

Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Jonás 2:9

Ñoqam ichaqa qanman graciasta qospay sacrificiokunata qosqayki, prometekusqaytaqa ruwasaqpunim. Dios Taytalláy, qamllam salvakuqqa kanki, nispa.

Zacarías 3:4

Chay angelñataqmi ñawpaqninpi kaqkunata kaynata kamachirqa: Chay qachallaña pachankunata chustuychik, nispa. Josueytañataqmi nirqa: Pachaykikunata chustuchkaq hinam huchaykikunata mayllaruyki, kunanqa suma-sumaq pachawanñam pachaykachiki, nispa.

Mateo 7:11

Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?

Lucas 11:13

Sichum qamkuna mana allin runakuna kachkaspa churikichikman allin kaqkunata qochkaptikichikqa, ¿mana-chum hanaq pachapi kaq Taytaykichikqa Chuya Espiritunta mañakuptikichikqa qoykusunkichikman? nispa.

Lucas 18:13

Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Romanos 11:27

Chaynapim pactoyta cumplisaq huchankuta qechuspay”, nispa.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 10:4

Torokunapa chaynataq chivatokunapa yawarninqa huchakuna chuyanchaytaqa manam atirqachu.

Hebreos 13:15

Chaynaqa, kañasqa ofrendata hinayá takikunata Jesucristontakama Diosman tukuy tiempo ofrecesunchik, chayku-naqa kanan sutinmanta siminchik-pa yupaychayninkunam.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.