Oseas 13:9 - CHUYA QELLQA La Biblia en Quechua de Ayacucho 2012

⁹ Israel miraykuna, ñoqam chinkarachisqaykichik; hinaptinqa, ¿pitaq yanapasunkichik?

Quechua Ayacucho Bible 1987

⁹ Israelpa castankuna, contraypi kasqaykichikraykum qamkunaqa chinkachkankichik. Yanapaqnikichik kachkaptiypas contraypi kasqaykichikraykum chinkachkankichik.

Chuya Qellqa 1992

⁹ Israel miraykuna, ñoqam chinkarachisqaykichik; hinaptinqa ¿pitaq yanapasunkichik?

Oseas 13:9 Iomraidhean Croise

2~Crónicas 28:23

Guerrapi venceqnin Damasco llaqtapa idolonkunaman sacrificiokunata ofrecespanmi kaynata nirqa: Siria nacionpa diosninkunaqa chay nacionpa reyninkunatam yanapan, chaynaqa ñoqapas sacrificiotayá ofrecesaq yanapawananpaq, nispa. Ichaqa chaykuna ruwasqanraykum wichirurqa, wichirqataqmi Israel runakunapas.

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Proverbios 8:36

Ñoqamanta karunchakuruq runam ichaqa wañuyman kikillan churakurun, pipas cheqniwaqniykunaqa wañuytam kuyanku.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Jeremías 5:25

Mana allinkuna ruwasqaykichikmi allin kaqkunamanta karuncharusunkichik; huchaykichikmi allin kaqkunamanta rakirusunkichik.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Oseas 7:15

Ñoqam paykunataqa kallpanchaspay yachachirqani, ichaqa paykunam contraypi tukuy mana allinkunata tantearqaku.

Malaquías 1:12

Qamkunam ichaqa piñachiwachkankichik, Tayta Diospa mesanqa millakuypaqmi, millakuypaqtaqmi mikuyninpas, nispaykichik.

Malaquías 1:13

Ninkichiktaqmi: ¡Mayna amiruypaqñam kaykunaqa! Chaynata nispam despreciawankichik. Hinaspam suwasqa animalkunata, wistu animalkunata, onqosqa animalkunata apamuwaspa kusikusqaytaraq piensankichik. Chaynaqa, ¿yaqachum chaykunata chaskisqaykichik? Tayta Diosmi chaynata nin.

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Deuteronomio 33:26

Jesurunpa Diosnin hinaqa manam kanchu, yanapasunaykipaqmi atiyninwan cielokunapa hawanpi purichkan, puyu hawantam hamuchkan.

Deuteronomio 33:29

Israelpa mirayninkuna, ¡mayna kusisqam kankichik! ¿Pitaq qamkuna hinaqa? Tayta Diospa librasqan runakunam kankichik, paymi waqaychaspa yanapaqnikiqa, paymi vencechisuqniki espadaqa. Enemigoykikunam qayllaykipi wichinqaku, qamkunañataqmi paykunata sarupankichik, nispa.