Oseas 13:2 - CHUYA QELLQA La Biblia en Quechua de Ayacucho 2012

² Kunanpas paykunaqa hinallam huchallikuchkanku, qollqenkutapas chulluchispam tanteasqankuman hina idolokunata ruwakuchkanku, hinaspam runakunata ninku: “Qori torillo idoloman sacrificiota qoychik, hinaspa muchaykuychik”, nispanku.

Quechua Ayacucho Bible 1987

² Kunanpas paykunaqa aswanraqmi huchallikuchkanku. Qollqenkutapas chulluchispam taytachakunata rurakuchkanku. Munasqankuman hinam yachayllawanña taytachakunata llaqllakuchkanku. Paykunamantam runakuna ninku: “Diospaq animal wañuchiy munaqkunaqa toro taytachatayá muchachunku.”

Chuya Qellqa 1992

² Kunanpas paykunaqa hinallam huchallikuchkanku, qollqenkutapas chulluchispam tanteasqankuman hina idolokunata ruwakuchkanku, hinaspam runakunata ninku: “Qori torillo idoloman sacrificiota qoychik, hinaspa muchaykuychik”, nispanku.

Oseas 13:2 Iomraidhean Croise

1~Reyes 19:18

Ñoqañataqmi Israel nacionpi puchuchisaq qanchis waranqa runakunata, paykunaqa manam Baalpa ñawpaqninpi qonqorakurqakuchu nitaqmi mucharqakuchu, nispa.

2~Crónicas 28:13

Hinaspankum nirqaku: Chay presokunataqa ama kaymanqa pusaykamuychikchu, Tayta Diospa contranpi huchallikusqaykichikmi ñoqaykupa hawaykupi karunman. Hatu-hatun huchayuq hinaspa huchasapa kachkaptiykupas aswan yapaytaraqmi munachkankichik, Diospa piñakuyninqa nina hinam kachkan Israel nacionpa contranpi, nispanku.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

Isaías 1:5

¿Imanasqataq ñakarichinaytaraq munankichik? ¿Hinallaraqchu mana kasukuq kankichik? Tukuy umaykichikpi heridayuqmi kachkankichik, sonqoykichikpas nanay-nanaymi kachkan.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 44:11

Chay idolokuna yupaychaqkunaqa penqaypim tarikunqaku. Idolokuna ruwaqkunaqa wañuruq runakunallam. Llapallankum juzgasqa kanqaku, hinaspam manchakuymanta katkatatanqaku.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Isaías 46:6

Runakunam wayqankumanta qorita hurqomunku, balanzapiñataqmi qollqeta pesanku; chay qorimanta qollqemanta ídolo ruwaqtam maskanku, chay idolopa ñawpaqninpim qonqoraspa yupaychanku.

Isaías 46:8

Yaw, mana kasukuqkuna, kayta yuyariychik: “Qamkunaqa rikchapakuspayá allinta yuyaymanariychik”.

Jeremías 10:4

qoriwan qollqewanmi llusinku, mana wichiykunanpaqñataqmi clavokunawan takaspa takyachinku.

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 11:6

Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 2:8

Payqa manam reqsikurqachu trigota, vinota hinaspa aceiteta qosqaytapas; qorita qollqeta mirachipusqaytapas manam reqsikurqachu, chaywanraqmi Baal idolotapas ruwakururqa.

Oseas 4:17

Efrainmi idolokunaman qokurun, ¡hinayá chayna kawsachun!

Oseas 8:4

Paykunaqa mana simiywanmi reykunatapas churakurunku, kamachiqninkunatapas mana reqsisqay runakunatam churakuykunku; puchukanankupaqmi qorimantawan qollqemanta idolokunata ruwakurunku.

Oseas 8:5

Samaria llaqtapi yachaqkuna, qori torillo idoloykichikta wischuychik, qamkunapaqmi llumpa-llumpayta piñakuruni. ¿Haykapikamataq mana chuyanchakuy atiq kankichik?

Oseas 8:6

Yaw Israel, Samariapi yupaychasqayki qori torilloqa manam dioschu, chayqa runapa ruwasqallanmi; chayraykum pasaypaq ñutusqa kanqa.

Números 32:14

Yaw, huchasapa ru-nakunapa mirayninkuna, qamkunaqa taytaykichiktañam qatipakuchkankichik, chaynapi Israel runakunapa contranpi Tayta Diosta astawan piñachinaykichikpaq.

Romanos 11:4

Chaymi Diosñataq nirqa: Qanchis waranqa qarikunatam puchu-chikurqani, paykunaqa manam Baal idolopa ñawpaqninpiqa qonqorakurqakuchu, nispa.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq