Oseas 13:16 - CHUYA QELLQA La Biblia en Quechua de Ayacucho 2012

¹⁶ Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Quechua Ayacucho Bible 1987

¹⁶ Samaria llaqtayoqkunaqa culpayoqmi kachkanku. Diosninkuta mana kasuwasqankuraykum paykunaqa espadawan wañuchisqa kanqaku. Wawachakunapas pampaman waqtasqam kanqaku. Wiksayoqkunapas iskayman kakchasqam kanqaku.

Chuya Qellqa 1992

¹⁶ Samariapas Diospa contranpi hatarisqanraykum chinkanqa; espadapa puntanpim wañunqaku, wawakunatapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Oseas 13:16 Iomraidhean Croise

2~Reyes 15:16

Chay tiempopim Manahemqa Tirsa llaqtamanta qallaykuspan Tifsa llaqtata chaynataq muyuriqninpi llaqtakunatapas atacaspan saquearurqa, hinaspam llapa wiksayuq warmikunapa wiksantapas kicharurqa. Chaytaqa ruwarqa Tifsa llaqtapa punkunkunata mana kichasqankuraykum.

2~Reyes 17:18

Chayraykum Israelpa contranpi anchallataña piñakuruspan qayllanmanta Tayta Dios chinkarachirqa, Judá ayllullañam puchururqa.

2~Reyes 17:5

Chaymantam Israel nacionman yaykuruspan Samaria llaqtapa muyuriqninpi kimsa wata churakururqa.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

2~Reyes 8:12

Chaymi Hazael tapurqa: Taytáy, ¿imanasqataq waqachkanki? nispa. Eliseoñataqmi nirqa: Yachanim Israelpa mirayninkuna ñakarichinaykita, murallasqa llaqtankunatam kañaykunki, jovenkunatam wañuchinki, wawakunatam pampakunaman waqtaspa wañuchinki, wiksayuq warmikunapa wiksantam kichanki, nispa.

Isaías 13:16

Qawachkaptinkum wawa-churinkutapas pampaman waqtaspa wañuchinqaku, wasinkutam suwanqaku, warminkutam abusanqaku.

Isaías 17:3

Efraín llaqtapa, Damasco llaqtapa, qaqay-qaqay perqankunapas puchukanqam. Siria nacionpi puchuqñataqmi, Israel llaqta kaqlla kanqa. Tukuy Atiyniyuq Tayta Diosmi chaynata nin.

Isaías 8:4

Manaraq chay wawa “taytay” otaq “mamay” nispa rimayta yachach-kaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 11:6

Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Amós 1:13

Tayta Diosmi kaynata nin: Amón llaqtapi yachaqkunatam llumpa-llumpay huchankumanta castigasaqpuni. Paykunam allpankuta mirachiypi rispanku Galaad lawpi wiksayuq warmikunapa wiksallantapas kuchuspa tallirqaku.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.

Miqueas 1:4

Ninapi chulluchisqa vela hinam orqokunapas chakinpa ukunpi chullurunqa. Achka yakupa wayqorusqan hinam qechwakunapas rakinakunqa.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Nahúm 3:10

Chaywanpas Tebastaqa presotam aparqaku, warmankunapas callekunapa esquinankunapi waqtasqam wañurqaku. Ancha reqsisqa runankunatapas suerteta choqaspam rakinakurqaku, kamachiqninkunapas cadenasqam karqaku.