Oseas 13:14 - CHUYA QELLQA La Biblia en Quechua de Ayacucho 2012

¹⁴ ¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Quechua Ayacucho Bible 1987

¹⁴ ¿Sepulturamantachu librasqaykichik? ¿Wañuymantachum librasqaykichik? Yaw wañuy ¿maypitaq kachkan wañuchiq peste onqoynikiqa? Yaw sepultura ¿maypitaq kachkan chinkachiq atiynikiqa? Manañam llakipayarisaqñachu kay runakunataqa.

Chuya Qellqa 1992

¹⁴ ¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Oseas 13:14 Iomraidhean Croise

Jobwan Sutichasqa Libro 33:24

chay runamanta llakipayarikuspanyá Diosta kaynata nichun: “Wañuymanta libraykuy, payqa tarirunñam salvaqninta”, nispa.

Jobwan Sutichasqa Libro 41:22

Kallpanpas kunkanpim tarikun, paypa qayllanpiqa manchakuymantam katkatatanku.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 26:19

Qampi wañukuqkunam kawsarinqaku, ayaykikunam hatarimunqaku. Allpa ukunpi kaqkunam rikcharimuspa kusikuyllawanña qaparinqaku, sullata hinaraq kanchaynikita chayachiptikim wañuqkuna allpa ukumanta hatarimunqaku.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 20:16

Chayna runaqa, Tayta Diospa chunnichisqan llaqtakuna hinayá kachun, mana llakipayaspa tuñichisqa llaqta hinayá kachun, achikyamuqtayá nanaymanta qapariyta uyarichun, chawpi punchawpiyá guerrapi qapariyta uyarichun.

Jeremías 31:35

Punchawpi achkinanpaq inti churaqmi, tuta achkinanpaq killatawan chaskakunata churaqmi, lamar qochata kuyuchispan olankunata qaparichiqmi, Tukuy Atiyniyuq Tayta Diosmi kaynata nin:

Ezequiel 37:9

Chaymantam Tayta Dios niwarqa: Runapa churin, kawsachikuq samayta kaynata niy: Tayta Diosmi kaynata nisunki: ¡Kawsachikuq samay, tawan lawmanta hamuspa kay wañusqakunata kawsarichiy! nispa.

Oseas 6:2

Iskay punchawmantam kawsarichiwasun, kimsa punchawmantañataqmi hatariykachiwasun, hinaptinmi paypa qayllanpi kawsakusun.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Romanos 11:15

Judiokunata Dios qepanchakuruptinmi llapallan runakuna Dioswan allinyanakurunku. Chaynaqa, ¡mayna allinraq kanqa judiokunata Dios chaskiykuptinqa! ¡Wañuymanta kawsarimuchkaq hinaraqcha kanqaku!

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

2~Corintios 5:4

Kay wasillanchik-piraq otaq cuerpollanchikpiraq kawsas-paqa ancha llakisqam kachkanchik, ichaqa pachanchik llatanarachikuytaqa manachá munachwanchu, aswanqa pachapasqa kaytam munachwanqa, chaynapi wañuyta kawsay vencerunanpaq.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

1~Tesalonicenses 4:14

Imaynam Jesuspa wañukusqanpi hinaspa kawsarimusqanpi creenchik, chaynataqmi Jesucristopi iñikuspa wañukuqkunata Jesucristotawan kuskata Dios kawsarichimunanpipas creenchik.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Apocalipsis 20:13

Lamar qochapas chaypi kaq wañusqakunatam qomurqa, qomurqataqmi wañuypas chaynataq Hadespas chaypi wañusqakunata, chaymi sapakama juzgasqa karqaku imam ruwasqankuman hina.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.

1~Samuel 15:29

Israelpa Tukuy Atiyniyuq Diosninqa manam llullakunchu, manataqmi imamantapas ñakakunmanchu, payqa manam runachu wanakunanpaqa, nispa.