Oseas 12:8 - CHUYA QELLQA La Biblia en Quechua de Ayacucho 2012

⁸ Efrainmi kaynata nin: Ñoqaqa anchatam apuyaruni, qori-qollqetam llumpayta huñukuruni; manam pipas musyanqachu apuyanaypaq engañasqaytaqa, nispa.

Quechua Ayacucho Bible 1987

⁸ Efrain castakunam nin kaynata: “Ñoqaqa mayna apullañam rikuriruni. Ñoqaqa llumpay qori-qollqeyoqmi rikuriruni. Manam pipas musyanqachu mana allin rurasqaytaqa. Manam pipas musyanqachu huchallikusqaytaqa.”

Chuya Qellqa 1992

⁸ Efrainmi kaynata nin: Ñoqaqa anchatam apuyaruni, qori-qollqetam llumpayta huñukuruni; Manam pipas musyanqachu apuyanaypaq engañasqaytaqa, nispa.

Oseas 12:8 Iomraidhean Croise

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 30:12

Kanmi mana huchayuqpaq hapikuruq runakuna, huchankumantaqa manam chuyanchakunkuchu.

Proverbios 30:20

Qosanta engañaq warmiqa kaynatam ruwan: Mikuruchkaspapas siminta pichakuruspam “manam ima mana allintapas ruwanichu”, nisparaq.

Jeremías 2:23

¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Jeremías 2:35

Ñoqaqa mana huchayuqmi kani, Diosqa manam ñoqapaq piñasqañachu kachkan, nisparaq. Chaynaqa, mana huchayuqmi kani nisqaykimantam juezpa qayllanman aysasqayki.

Jeremías 5:27

Imaynam jaulakunata urpikunawan huntachinku, chaynam wasinkutapas suwakusqankuwan huntachinku, chaykunawan apuyaruspankum qari tukuqllaña rikurirunku.

Ezequiel 28:5

Negocio ruwayta yachaynikiwanmi tukuy imaykitapas mirarachinki, ichaqa tukuy imayuq karuspaykim hatun tukuq rikurirunki.

Oseas 13:6

Mikuyta qoykuptiymi paykuna saksarurqaku, saksaykuspankuñataqmi hatunchakururqaku, hinaspam qonqaruwarqaku.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 4:8

Llaqtaypa huchallikusqanmantam paykunaqa mikunku, chayraykum paykunaqa aswanraq huchallikuyman llaqtayta tanqanku.

Amós 8:5

Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Habacuc 1:16

Chayraykum mallankuta yupaychanku, inciensotaraqmi qontichipunku, chay mallankuwanmi tukuy imata huñukunku, chayraykum mikunankupas mana pisiq.

Zacarías 11:5

Chay ovejakunataqa rantiqninkunapas mana llakipayarispam wañuchinku, hinaptinmi rantikuqninkunapas kaynataraq ninku: “Tayta Diosyá yupaychasqa kachun, llumpaytañam apuyaruni” nisparaq. Michiqninkupas chay ovejakunamantaqa manam llakipayarikunchu, nispa.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.

Malaquías 3:13

Tayta Diosmi nin: Rimasqaykichikwan piñachiwach-kaspapas qamkunaqa kaynataraqmi tapuwankichik: “¿Imatataq qampa con-traykipi rimarqaniku?” nisparaq.

Lucas 10:29

Paymi ichaqa allinpi lloqsiyta munaspan Jesusta huktawan tapurqa: ¿Pitaq runamasiyqa? nispan.

Lucas 12:19

almaytañataq nisaq: Almalláy, unay watakunapaqmi tukuy imata achkallataña waqaycharunki. Kunanqa samakuy, mikukuy, upyakuy hinaspa kusikuy, nispa.

Lucas 16:13

Manam pipas iskay patrontaqa servinmanchu, hukninta kuyaruspachá huknintañataq cheqnirunman, hukninman ratakuruspachá huknintañataq qepancharunman. Manam Diostawan qollqetaqa serviwaqchikchu, nispa.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

1~Timoteo 6:5

millay pensamientoyuq runakunapa atipanakuyninkuna, cheqap kaq mana yachaykuna, Diosta servispayqa apuyarusaqmi niykuna. [Chaykunamanta karunchakuy]

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.