Oseas 12:7 - CHUYA QELLQA La Biblia en Quechua de Ayacucho 2012

⁷ Negociantekunaqa suwakuq balanzatam hatallinku, paykunaqa runamasin engañayllatam maskanku.

Quechua Ayacucho Bible 1987

⁷ Negocianteqa suwakuq balanzatam hatallichkan. Chay runaqa runamasin engañayllatam gustachkan.

Chuya Qellqa 1992

⁷ Negociantekunaqa suwakuq balanzatam hatallinku, paykunaqa runamasin engañayllatam maskanku.

Oseas 12:7 Iomraidhean Croise

Génesis 49:18

Diosnilláy, salvaykuwanaykitam suyachkani.

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 16:11

Tayta Diospam mana suwakuq balanzawan cabal pesoqa, pesokunaqa paypa ruwasqallanmi.

Isaías 3:5

Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Isaías 56:1

Tayta Diosmi kaynata nin: Mana pimanpas sayapakuspa lliwpaq allinkunallata ruwaychik, munasqayman hina kawsaychik, libranay punchawmi hichpamuchkanña, allin ruwaq kasqayta qawachinay punchawmi chayamuchkanña.

Ezequiel 16:3

Ñoqa Tayta Diosmi Jerusalén llaqtapa contranpi kaynata nini: Canaán allpapim qamqa nacerqanki, taytaykipas Amor casta runam karqa, mamaykiñataqmi Het castamanta.

Ezequiel 22:29

Kay nacionpi runakunaqa mana allin ruwaypi hinaspa suwakuyllapim kachkanku; wakchakunatawan mana piniyuqkunata chaynataq huklaw llaqtayuqkunatam ñakarichinku.

Ezequiel 28:5

Negocio ruwayta yachaynikiwanmi tukuy imaykitapas mirarachinki, ichaqa tukuy imayuq karuspaykim hatun tukuq rikurirunki.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Miqueas 2:1

¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Zacarías 14:21

Jerusalenpi hinaspa Judá nacionpi llapa mankakunapas Tayta Diospaq sapaqchasqam kanqa, chaynapim sacrificiota ruwaq hamuqkunapas chay mankakunata hapispa ofrecespanku aychata yanunqaku. Chay punchawpiqa, Tukuy Atiyniyuq Tayta Diospa templonpi negociantekunapas manañam kanqañachu.

Zacarías 5:8

Hinaptinmi chay ángel niwarqa: Kay warmiqa tukuy mana allinmanmi rikchakun, nispa. Chaynata nispanmi chay warmita tupuna canasta ukuman tanqaykurqa, hinaspanmi chay titimanta tapanwan taparurqa.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Juan 2:16

Palomakuna rantikuqkunatañataqmi nirqa: ¡Kaykunata kaymanta hurqowaychik! ¡Taytaypa wasintaqa ama mercadota hinaqa ruwaychikchu! nispan.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.