Oseas 12:6 - CHUYA QELLQA La Biblia en Quechua de Ayacucho 2012

⁶ Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Quechua Ayacucho Bible 1987

⁶ Israelpa castankuna, qamkunaqa Diosnikichikmanyá kutirikuychik. Qamkunaqa kuyakuywanyá allinta ruraychik. Diosnikichikpi hapipakuspayá mana pisiparuspa suyaychik.

Chuya Qellqa 1992

⁶ Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Oseas 12:6 Iomraidhean Croise

Génesis 49:18

Diosnilláy, salvaykuwanaykitam suyachkani.

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 31:6

Israelpa mirayninkuna, paqwaypaq qepanchakusqaykichik Diosman kutirikuychik.

Isaías 40:31

Tayta Diosman hapipakuqkunam ichaqa musoq kallpayuq kanqaku, anka hinaraqmi pawarinqaku, kallpaspankupas manam saykunqakuchu, purispankupas manam pisipanqakuchu.

Isaías 58:6

Kaynam agradoypaq ayunoqa: Mana allinkunapa cadenasqankunata kachariymi, yugopa watunta paskachkaq hina runapa ñakariyninta paskaymi, yugota pakichkaq hina ñakariq runakunata kachaykuymi,

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Jeremías 22:15

¿Cedro tablamanta ruwasqa wasipi yachaytachu rey kaypaq hapinki? Taytaykiqa tomaspapas mikuspapas allin arreglotawan cheqap kaqtam ruwarqa, chayraykum ima ruwasqanpas allin lloqsirqa.

Ezequiel 18:30

Chaynaqa, Israelpa mirayninkuna, imaynam kawsasqaykichikman hinam juzgasqaykichik. Ñoqa Tayta Diosmi chaynata nini. Chaynaqa, mana kasukuq kasqaykichikmanta wanakuspa kutirikamuwaychik chaynapi huchaykichikkuna mana tuñichisunaykichikpaq.

Oseas 10:12

Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Amós 5:24

Allin juzgasqaykichikpas kallpachkaq mayu hinayá kachun. Justicia ruwasqaykichikpas mana chakiq pukyu hinayá kachun.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Zacarías 1:3

Chaynaqa, llaqtayta nimuy, Tukuy Atiyniyuq Tayta Diosmi kaynatanin: “Kutirikamuwaychik hinap-tinqa ñoqapas qamkunamanmi ku-tirikamusaq”, nispa. Tukuy Atiyniyuq Tayta Diosmi chaynata nin.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.