Oseas 12:14 - CHUYA QELLQA La Biblia en Quechua de Ayacucho 2012

¹⁴ Ichaqa Efrainmi Tayta Diosta llumpayta piñachirqa, chayraykum runa wañuchisqanmanta paganqa, tukuy mana allin ruwasqanmantam Tayta Dios ñakarichinqa.

Quechua Ayacucho Bible 1987

¹⁴ Efrainpa castankunaqa llumpaytam piñarachinku chayraykum runa wañuchisqankumanta culpanqa Señorninku. Chayraykum insultasqankumanta kutichipunqa Señorninku.

Chuya Qellqa 1992

¹⁴ Ichaqa Efrainmi Tayta Diosta llumpayta piñachirqa, chayraykum runa wañuchisqanmanta paganqa, tukuy mana allin ruwasqanmantam Tayta Dios ñakarichinqa.

Oseas 12:14 Iomraidhean Croise

2~Samuel 1:16

Wañunan-paq kachkaptinmi David nirqa: Wañuchisqaykimantam qamqa huchayuq kanki, qampunim nirqanki: “Tayta Diospa akllasqan reytam wañurachimuni”, nispayki.

Ezequiel 18:10

Sichum chayna allin ruwaq runa kachkaptinpas, churinñataq kanman suwa, runa wañuchiq, chayman rikchakuqkunata ruwaq,

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 33:5

Payqa trompetata uyarichkaspam mana kasukurqachu, chayraykum wañusqanmantaqa kikinpuni huchayuq kanqa. Kasukuspanqa manam wañunmanchu karqa.

Daniel 11:18

Norte lawpi reyqa munapayanqataqmi lamar qochapa patanpi llaqtakunatapas, hinaspam guerrawan achkaqta vencerunqa. Ichaqa huk kamachikuqmi chay reypa hatunchakuyninta puchukarachinqa, hinaspam chay reyta penqayman churanqa.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Deuteronomio 18:15

Señornikichik Tayta Diosmi qamkunamanta ñoqa hina profetata hata-richinqa, hinaptinmi payta kasunkichik.

Deuteronomio 18:18

Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik.

Deuteronomio 28:37

Tayta Diospa pusachisusqayki nacionkunapim qanmanta rimaspanku asipayaspa burlakusunki.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.