Oseas 11:9 - CHUYA QELLQA La Biblia en Quechua de Ayacucho 2012

⁹ Manam imatapas ruwasaq sinchi piñakuyniyman hinachu Efraintapas kaqmantaqa manam chinkachisaqñachu, ñoqaqa Diosmi kani manam runachu, ñoqaqa chawpikichikpi kaq Chuya Diosmi kani; qamkunamanqa manam piñakuywanchu hamusaq.

Quechua Ayacucho Bible 1987

⁹ Manam llumpay piñakuyniyman hinachu rurasaq ñoqaqa. Manañam puchukachisqaykichikchu Efrainpa castankunataqa. Ñoqaqa manam runachu kani aswanqa Diosmi. Ñoqaqa kani chawpikichikpi kaq Chuya Diosmi. Manam piñakuywanchu hamusaq qamkunamanqa.

Chuya Qellqa 1992

⁹ Manam imatapas ruwasaq sinchi piñakuyniyman hinachu Efraintapas kaqmanataqa manam chinkachisaqñachu, ñoqaqa Diosmi kani manam runachu, ñoqaqa chawpikichikpi kaq Chuya Diosmi kani; qamkunamanqa manam piñakuywanchu hamusaq.

Oseas 11:9 Iomraidhean Croise

2~Samuel 20:10

Amasaqa manam musyarqachu Joabpa makinpi espada kasqanta. Qonqaymantam Amasata wiksanpi Joab tuksirurqa chunchulninkunapas pampaman tallikunankama. Chaylla wañurusqanraykum huktawanqa manaña tuksirqañachu. Chaymantañam Joabqa wawqen Abisai-piwan Bicripa churin Sebata qatirqaku.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Isaías 48:9

Kikiyraykum piñakuyniyta sonqollaypi pakaykurqani, hatunchasqa kanayraykum manaraq tukururqaykichu.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Jeremías 26:3

Icharaqpas uyarikuspanku mana allin kawsayninkumanta sapakama wanakunmanku, chayna kaptinqa mana allin ruwasqankumantam ñoqapas manaña castigasaqchu.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Deuteronomio 13:17

Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

1~Samuel 26:8

Chaymi Davidta Abisai nirqa: Kunanmi enemigoykita Dios makikiman churaykun. Kunanyá kikinpa lan-zallanwan pampaman clavarusaq, payqa huk tuksiyllawanmi wañurunqa, nispa.