Oseas 11:6 - CHUYA QELLQA La Biblia en Quechua de Ayacucho 2012

⁶ Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Quechua Ayacucho Bible 1987

⁶ Yachananku llaqtakunapas guerrapa tukusqanmi kanqa. Chay llaqtakunapa punkunpas pakipasqam kanqa. Kikinkupuni tanteasqankuraykum kanqaku puchukachisqaqa.

Chuya Qellqa 1992

⁶ Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Oseas 11:6 Iomraidhean Croise

Isaías 18:5

Uvaspas sisayta tukuruspa, rurunkunapas poqoyta qallaykuptin, manaraqpas cosechayta qallarichkaptinkum, kallmankunata machetewan rawmanqa, ikllipankunatapas kuchuparuspam wischunqa.

Isaías 27:10

Qaqay-qaqay perqayuq llaqtam kunanqa raqayllaña kachkan, mana runayuqñam purmachkan, paqwaytañam chunnichkan. Animal michinanku purunñam rikurirun, sachapa rapinta mikuspa animalkunapa puñunanñam rikurirun.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 9:14

Chaymi Tayta Diosqa, animalpa umantawan, chupanta kuchuchkaq hina, palmera sachata kuchuchkaq hina, totora plantata rutuchkaq hina, huk punchawllapi Israel nacionta kuchurunqa.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Jeremías 50:35

Ñoqa Tayta Diosmi kaynata nini: Caldea runakunapa contranpi peleamuychik, Babilonia nacionpa contranpi peleamuychik, kamachiqninkunapa contranpi peleamuychik, yachaysapankunapa contranpi peleamuychik.

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Ezequiel 20:47

Chay montekuna lawmanyá ñoqa Tayta Diospa nisqayta kaynata niy: Chaypi kaq sachakunata kañaykuptiymi verde sachakunatawan chaki sachakunatapas ruparunqa, chay ninaqa manaña amachay atina kaspanmi chaypi yachaq runakunapa uyantapas lliw rupanqa, sur lawmanta qallaykuspa norte lawkama.

Oseas 10:14

Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Oseas 10:6

Asiriapa tropankunam hamuruspanku chay qori torillota apakunqaku reyninkuman regalota qonankupaq, chaymi Israelpa mirayninkuna chay idolota yupaychasqankumanta penqaypi kanqaku.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Oseas 4:17

Efrainmi idolokunaman qokurun, ¡hinayá chayna kawsachun!

Levítico 26:25

Pacto ruwasqayta mana kasusqaykichikmantam guerrawan wañu-chisqaykichik, guerramanta llaqtaykichikman ayqeptikichikpas peste onqoytam kachaykamusqaykichik, qamkunaqa enemigoykichikkunaman qosqam kankichik.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Miqueas 5:11

Llaqtaykichiktapas tuñichisaqmi, amparakunaykichik wasikunatapas purmarachisaqmi.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Deuteronomio 28:52

Llaqtaykichikkunapa muyuriqninpim campamentonkuta sayachinqaku, chaynapim hapipakunayki qaqay-qaqay murallaykikunapas tuñinqa. Señornikichik Tayta Diospa qosusqaykichik allpata muyuruspam kayninta chayninta yaykumusunkichik.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.