Oseas 11:5 - CHUYA QELLQA La Biblia en Quechua de Ayacucho 2012

⁵ Paykunam ichaqa ñoqaman kutirikamuwayta mana munarqakuchu, chayraykum kaqllamanta Egiptopi esclavo kamunqaku, Asiria nacionpas paykunapim munaychakunqa.

Quechua Ayacucho Bible 1987

⁵ Egipto nacionman mana kutiqñam kanqaku. Asiria nacionpa reyninmi kanqa reyninku. Mana wanakusqankuraykum chaynaqa kanqaku.

Chuya Qellqa 1992

⁵ Paykunam ichaqa ñoqaman kutirikamuwayta mana munarqakuchu, chayraykum kaqllamanta Egiptopi esclavo kamunqaku, Asiria nacionpas paykunapim munaychakunqa.

Oseas 11:5 Iomraidhean Croise

2~Reyes 15:19

Asiria nacionpa reynin Tiglat-pilesermi Israel nacionta atacananpaq hamurqa, chaymi rey Manahemqa kimsa chunka kimsayuq waranqa kilo qollqeta Tiglat-pileserman qorqa, Manahempa favorninpi kaspan munaychakuyninpi takyachinanpaq.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

Oseas 10:6

Asiriapa tropankunam hamuruspanku chay qori torillota apakunqaku reyninkuman regalota qonankupaq, chaymi Israelpa mirayninkuna chay idolota yupaychasqankumanta penqaypi kanqaku.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Amós 4:6

Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Deuteronomio 17:16

Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa.