Oseas 11:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Quechua Ayacucho Bible 1987

¹ Israel runakunatam warmallaraq kaptin kuyarqani. Churiytam Egipto nacionmanta qayamurqani.

Chuya Qellqa 1992

¹ Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Oseas 11:1 Iomraidhean Croise

Éxodo 19:4

“Qamkunaqa qawarqankichikmi Egipto runakunata imam ruwasqayta, qawarqankichiktaqmi ankapa rapranpi hina ñoqapa kasqayman qamkunata apamusqaytapas.

Éxodo 4:22

Faraontam ninki: “Tayta Diosmi kaynata nin: Israelpa mirayninkunaqa piwi churiy hinam.

Éxodo 4:23

Ñam nirqaykiña churiyta kacharinaykipaq chaynapi hatunchawananpaq, mana kachariyta munaptikiqa piwi churikitam wañurachisaq, nispa”.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Jeremías 12:7

Llaqtaytam saqeruni, ñoqapa kaqtam qepanchakuruni, tukuy sonqoywan kuyasqay naciontam enemigonkunaman qoykuni.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Ezequiel 16:22

Qamqa millakuypaq kaqkunata ruwaspam chaynataq hukwan-hukwan qanrakuspam imaynam wawa kaspayki qalalla kasqaykitawan yawarnikipi qochpasqaykitapas manaña yuyankiñachu.

Ezequiel 16:6

Ichaqa chayninta pasachkaspaymi yawarnikipa chawpinpi qochpachkaqta rikurqayki, chaymi yawarnikipa hawanpi rikuruspay nirqayki: ¡Kawsakuy! nispa.

Oseas 10:15

Bet-el llaqtapi yachaqkuna, llumpay huchaykichikmantam qamkunapas puchukachisqa kankichik. Achikyaykamuptillanmi Israelpa reyninpas wañuchisqa kanqa, nispa.

Oseas 12:13

Tayta Diosmi huk profetantakama Israelta Egipto nacionmanta hurqomurqa, huk profetantakamam paykunata Tayta Dios waqaycharqa.

Oseas 12:9

Egiptopi kasqaykichikmantapunim ñoqa Tayta Diosqa Diosnikichik kani. Purunpi tupasqanchikpi hinam huktawan carpakunapi kawsachisqaykichik.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Oseas 2:15

Chaypim uvas chakrankunatapas kutichipusaq, hinaspaymi Acor qechwatapas kusikuy punkumanña tikrarusaq. Chaypim sipas kayninpi hinaraq kuyaykuwanqa, Egiptomanta lloqsimusqan punchawpi hinaraqmi kuyaykuwanqa.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Mateo 2:15

Chaypim yachamurqaku Herodes wañunankama. Kaykunam pasakurqa profetantakama Diospa kayna nisqan cumplikunanpaq. Paymi nirqa: “Churiytam Egipto nacionpi kachkaptin qayamurqani”, nispa.

Deuteronomio 33:3

Dios Taytalláy, llaqtaykitam kuyanki, llapallan sapaqchasqaykikunatam waqaychanki, paykunaqa ñawpaqnikipim qonqorakunku, kamachisqaykikunatam chaskikunku.

Deuteronomio 7:7

Tayta Diosqa kuyasurqankichik hinaspa akllasurqankichik manam wakin nacionkunamanta hatun kasqaykichikraykuchu, qamkunaqa wakin nacionkunamantapas taksallam karqankichik.