Oseas 10:8 - CHUYA QELLQA La Biblia en Quechua de Ayacucho 2012

⁸ Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Quechua Ayacucho Bible 1987

⁸ Mana allin rurananku alto moqokunapi capillakunapas chinkachisqam kanqa. Israel castakunapa huchallikunan moqomiki karqa chaykunaqa. Altarninkupa hawanpipas kichkakunañam wiñanqa. Altarninkupa hawanpipas cardo santokunañam wiñanqa. Runakunam orqokunata ninqaku: “Ñoqaykutayá taparuwayku” nispa. Runakunam moqokunata ninqaku: “Hawaykumanyá wichiykuy” nispa.

Chuya Qellqa 1992

⁸ Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas ¡Hawaykumanyá wichiykamuy! nispanku.

Oseas 10:8 Iomraidhean Croise

Génesis 3:8

Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi.

1~Reyes 13:2

Chay profetam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipi wañuchinqa, hawaykipitaqmi runakunapa tulluntapas kañanqa”, nispa.

1~Reyes 13:34

Chaynapim Jeroboampa ayllunkunaqa huchallikururqaku, chayraykum kay pachamanta pasaypaq chinkachisqa karqaku.

1~Reyes 14:16

Jeroboampa huchanmantam chaynataq huchallikuspan Israel naciontapas huchallichisqanraykum Tayta Diosqa Israelpa mirayninkunata qoykunqa, nispa.

2~Reyes 23:15

Tuñichirqam Bet-elpi altartapas, chay altartaqa Israel nacionta huchallichiq Nabatpa churin Jeroboammi hatarichirqa. Chaymantam uchpayanankama kañarurqa. Asera idolotapas kañarurqam.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 32:13

Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 34:13

Palacionkunapipas kichkakunallaña wiñanqa, mana yaykuy atina llaqtankunapipas kichkayuq qorakunallaña wiñanqa; atoqkunawan avestruzkunallañam chaypiqa yachanqa,

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 10:9

Tayta Diosmi kaynata nin: Israelpa mirayninkuna, qamkunaqa mana allin runakunam kankichik; Gabaapi huchallikusqaykichikmantam kunankama huchallikuyta mana saqenkichikchu, chayraykum maymi huchallikusqaykichikpi chinkachisqa kankichik.

Oseas 2:6

Chayraykum purinantapas kichkakunawan qencharusaq, purinanpa muyuriqninta perqaruptiymi ñan purinantapas mana tarinqachu.

Oseas 4:13

Orqokunapa puntanman qespispankum hatun sachakunapa ukunpi idolonkupaq animalkunata wañuchispa ofrecenku. Warmi churinkunawan llumchuyninkunañataqmi waqllikuypi purichkanku.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Oseas 8:5

Samaria llaqtapi yachaqkuna, qori torillo idoloykichikta wischuychik, qamkunapaqmi llumpa-llumpayta piñakuruni. ¿Haykapikamataq mana chuyanchakuy atiq kankichik?

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Amós 1:5

Damascopa punkunkunatam tuñirachisaq, Bicat-avenpi yachaqkunatawan, Bet-edenpi kamachikuqkunatam chinkarachisaq. Siria llaqtatam Kir llaqtaman presota apachisaq. Tayta Diosmi chaynata nin.

Amós 3:14

Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Amós 7:9

Isaacpa idolokunata yupaychanan moqokunam tuñichisqa kanqa, Israelpa santuarionkunapas ñutusqam kanqa; rey Jeroboampa mirayninkunatam espadawan wañuchisaq, nispa.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Miqueas 1:13

Laquis llaqtapi yachaqkuna, qamkunam Sionpi yachaqkunata huchallichirqankichik, carretaykichiktayá caballokunaman wataychik.

Miqueas 1:5

Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Nahúm 3:11

Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.

Deuteronomio 9:21

Huchallikunaykichikpaq ruwasqaykichik toroman rikchakuq idolotapas kañaruspaymi ñutuy-ñutuyta kutaruspa orqomanta uraykamuq mayuman machqeykurqani.

Apocalipsis 6:16

Paykunam orqokunatawan qaqakunata nirqaku: “Tronopi tiyaqpa chaynataq Corderopa piñakuyninmanta pakaykuwanaykiku-paqyá hawaykuman tuñiykamuy.

Apocalipsis 9:6

Chay punchawkunapim runakuna wañuyta maskanqa, ichaqa manam tarinqakuchu, wañuyta munaptinkupas wañuymi paykunamanta ayqekunqa.