Oseas 10:2 - CHUYA QELLQA La Biblia en Quechua de Ayacucho 2012

² Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Quechua Ayacucho Bible 1987

² Iskayrayachkanmi Israel castakunapa sonqonqa. Kunanmi chay culpankumanta paganqaku paykunaqa. Tayta Diosmi paykunapa altarnintaqa taqmarunqa. Tayta Diosmi paykunapa pilarnintaqa pakiparunqa.

Chuya Qellqa 1992

² Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 10:2 Iomraidhean Croise

1~Reyes 18:21

Eliasmi llapa runakunaman asuykuspan nirqa: ¿Haykapikamataq iskayrayaspa kankichik? Sichum Tayta Dios cheqap Dios kaptinqa paytayá qatiychik, sichum Baal dios kaptinqa paytañayá qatiychik, nispa. Hinaptinmi runakunaqa mana imatapas rimarirqakuchu.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Proverbios 11:18

Mana allin runapa pagonqa mana allin kaqkunallam; allinta kawsakuqmi ichaqa allin pagota chaskikunqa.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Jeremías 43:13

Egipto nacionpi Bet-semes llaqtapi sayachisqanku estatuakunatapas ñutuparunqam, kañaykunqataqmi Egipto nacionpi idolokunapa templonkunatapas, nispayki.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Oseas 12:11

Galaad runakunaqa mana allin runakunam, Gilgal llaqtapim idolonkupaq torokunata sacrificarqaku, chayraykum altarninkupa ruminkunapas chakrakunapi wischusqa purmanqa.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Oseas 7:8

Efrainmi huklaw nacionkunawan taqrukurun, huklawllan chayasqa tortilla hinam rikurirun.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Miqueas 5:13

Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Lucas 16:13

Manam pipas iskay patrontaqa servinmanchu, hukninta kuyaruspachá huknintañataq cheqnirunman, hukninman ratakuruspachá huknintañataq qepancharunman. Manam Diostawan qollqetaqa serviwaqchikchu, nispa.

Santiago 1:8

Chayna iskayrayaq runaqa tukuy ima ruwasqanpipas manam allintaqa takyanchu.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

1~Juan 2:15

Amayá kuyaychikchu kay pachapi mana allin ruwaykunataqa nitaq kay pachapi mana allin kaqkunatapas, chaykunata kuyaqqa manam Dios Taytataqa kuyanchu.

1~Samuel 5:4

Kaqllamanta paqarinnintin tutapayta rispankum idolonku Dagontaqa tariykurqaku Tayta Diospa Arcanpa ñawpaqninpi wischurayachkaqta, ichaqa Dagonpa umanwan iskaynin makinkunam cuerponmanta qorusqaña kachkasqa templonkupa punku pasaykunapi.