Oseas 10:14 - CHUYA QELLQA La Biblia en Quechua de Ayacucho 2012

¹⁴ Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Quechua Ayacucho Bible 1987

¹⁴ Chayraykum runaykikuna ukupiqa chaqwallaña kanqa. Llapallan murallasqa llaqtakunapas tuñichisqam kanqa. Bet-arbel llaqtatam Rey Salman guerrawan puchukarachirqa. Payqa wawakunatapas mamantintam tisaparurqa.

Chuya Qellqa 1992

¹⁴ Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Oseas 10:14 Iomraidhean Croise

Génesis 32:11

Wawqey Esaumanta libraykullaway, paytaqa manchakunim. Hamuruspachá warmi-kunata, wawakunata wañurachinqa.

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 17:3

Rey Oseaspa contranpim Asiria nacionpa reynin Salmanasar hamurqa. Venceruptinmi Oseasqa paytaña servispan impuestota pagarqa.

2~Reyes 18:33

¿Yaqachum mayqan diosninkupas nacionnin librayta atirqa Asiria nacionpa reyninmanta?

Isaías 17:3

Efraín llaqtapa, Damasco llaqtapa, qaqay-qaqay perqankunapas puchukanqam. Siria nacionpi puchuqñataqmi, Israel llaqta kaqlla kanqa. Tukuy Atiyniyuq Tayta Diosmi chaynata nin.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 48:41

Llaqtakunapas enemigopa munaychakusqanmi kanqa, amparakuna sitiokunapas tuñichisqam kanqa. Chay punchawmi Moab nacionniyuq allinnin qari-qari runakunapa sonqonku hukmanyarunqa, wachakuywan ñakariq warmi hinaraqmi rikurirunqa.

Oseas 10:15

Bet-el llaqtapi yachaqkuna, llumpay huchaykichikmantam qamkunapas puchukachisqa kankichik. Achikyaykamuptillanmi Israelpa reyninpas wañuchisqa kanqa, nispa.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Amós 3:14

Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Amós 9:5

Tukuy Atiyniyuq Tayta Dios llapchaykuptinmi kay pacha chullurin, chaypi yachaqkunam lliw waqanku; chulluspanmi mayu hinaraq timpurin, Egiptopi mayu hinaraqmi yawyarinpas.

Miqueas 5:11

Llaqtaykichiktapas tuñichisaqmi, amparakunaykichik wasikunatapas purmarachisaqmi.

Nahúm 3:10

Chaywanpas Tebastaqa presotam aparqaku, warmankunapas callekunapa esquinankunapi waqtasqam wañurqaku. Ancha reqsisqa runankunatapas suerteta choqaspam rakinakurqaku, kamachiqninkunapas cadenasqam karqaku.

Nahúm 3:12

Palacioykikunapas poqosqa higosta taspiykuptinku mikuqpa simillanmanña wichirimuq hinam wichirimunqa.

Habacuc 1:10

Reykunamantapas paykunaqa burlakunkum, kamachikuqkunamantapas asikunkum. Asikuspam murallasqa llaqtakunamanpas, rampata ruwaykuspa chayninta yaykuruspa munaychakurunku.