Oseas 10:12 - CHUYA QELLQA La Biblia en Quechua de Ayacucho 2012

¹² Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Quechua Ayacucho Bible 1987

¹² Qamkunaqa tarpuchkaq hinayá allin kaqkunata ruraychik. Kuyakuq kasqaykichikman hinayá chaskiychik. Mana yapusqa chakrakunapiyá yapukuychik. Tiempoñam kasqanraykuyá ñoqa Tayta Diosta maskawaychik. Para chayamuchkaq hina allin kaqkunata apamunaykamayá ñoqata maskawaychik.

Chuya Qellqa 1992

¹² Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Oseas 10:12 Iomraidhean Croise

Proverbios 11:18

Mana allin runapa pagonqa mana allin kaqkunallam; allinta kawsakuqmi ichaqa allin pagota chaskikunqa.

Proverbios 18:21

Wañuypas kawsaypas runapa rimayninpim tarikun, chayta kuyaqqa ruruntam mikunqa.

Eclesiastés 11:6

Tutapaymanta muhuykita tarpuy, tardenpas ama makikita samachiychu; manam yachankichu mayqanmi allin qespinantapas, otaq iskaynin chaynakamalla qespinantapas.

Isaías 30:23

Señormi parachimunqa tarpukuynikichikman, chaynapim kawsaynikichikpas allinta qespiptin chaninninpi mikunkichik. Animalnikichiktapas chay tiempopiqa hatu-hatun echaderokunapim michinqaku.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 32:20

ancha kusisqam qamkunaqa kankichik, achkallaña yakuyuq chakrakunapim tarpunkichik, toroykichikwan asnoykichikpas kacharisqam allin pastopi mikunqaku.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 45:8

Tayta Diosyá allin ruwayta hanaq pachamanta chayachimuchun, allin ruwaytayá sullata hinaraq hanaq pachamanta uraykachimuchun, puyukunamantayá parata hina chayachimuchun, allin ruwayá kay pachapi kachun, Tayta Diosyá salvacionta chayachimuchun.

Isaías 48:18

Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Jeremías 50:4

Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Ezequiel 34:26

Akllakusqay orqopa muyuriqninpi paykunata churaykuspaymi bendeciykusaq, paratapas tiempollanpim chaya-chimusaq, chay paraqa hatun bendicionmi kanqa.

Oseas 12:6

Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Amós 5:4

Tayta Diosmi Israel nacionta nin: Maskawaychik hinaspaqa kawsankichikmi.

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Amós 5:8

Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Lucas 13:24

Kichki punkunta yaykunaykichikpaqyá kallpanchakuychik; cheqaptam nikichik, achkaqmi yaykuyta munanqaku, ichaqa manam atinqakuchu.

Hechos 2:18

Chay punchawkunapim Espirituyta kachamusaq, qarimanpas warmimanpas lliw serviwaqniykunaman, hinaptinmi profetizanqaku.

2~Corintios 9:10

Tarpuqman muhu qoqmi hinaspa mikuqman tanta qoqmi qamkunapaqpas tarpuynikichikta achkayachinqa, achkayachinqataqmi allin ruwaynikichiktapas.

Santiago 3:18

Hawkayay maskaqkunaqa, hawkayaypim tarpuchkanku allin kawsakuypa ruruyninta cosechanankupaq.