Oseas 1:7 - CHUYA QELLQA La Biblia en Quechua de Ayacucho 2012

⁷ Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Quechua Ayacucho Bible 1987

⁷ Ichaqa Juda nacionpi runakunataqa llakipayarisaqmi. Paykunapa yupaychasqanku Tayta Diosmi ñoqaqa kani, chaynaqa paykunataqa ñoqapunim salvasaq. Salvasaqqa manam flechawanchu nitaq espadawanchu nitaq guerrawanchu nitaq caballokunawanchu nitaq caballokunapi silladakunawanchu —nispa.

Chuya Qellqa 1992

⁷ Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Oseas 1:7 Iomraidhean Croise

2~Reyes 19:29

Rey Ezequiastam Isaías nirqa: Kaykunam imam pasakunanmanta señal kanqa: Kay watapiwan hamuq watapim kikinmanta wiñaq trigota mikunkichik. Kimsa kaq watapiñataqmi tarpuspa cosechankichik, uvastapas plantaspam rurunta mikunkichik.

2~Reyes 19:34

Ñoqam kay llaqtata waqaychaspay salvasaq, kikiyraykum chaynataqa ruwasaq, serviqniy Davidta kuyasqayraykum chaynata ruwasaq”, nispa.

2~Reyes 19:35

Chay tutam, Tayta Diospa angelnin lloqsiramuspan Asiria campamentopi pachak pusaq chunka pichqayuq waranqa soldadokunata wañurachirqa. Achikyaruptinmi llapallanku wañusqaña kachkasqaku.

2~Reyes 6:18

Maypacham Siria tropakuna Eliseota hapinankupaq anchuykamuptinkum, Eliseoñataq Tayta Diosta mañakuspan nirqa: Taytalláy kay runakunata ñawsayarachiy, nispa. Chaymi Eliseopa mañakusqanman hina runakunata Tayta Dios ñawsayarachirqa.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Éxodo 14:30

Chaynatam Tayta Diosqa Israel runakunata chay punchawpi salvarurqa Egipto runakunamanta. Israel runakunam Egipto tropakunata rikurqaku lamar qochapa patanpi wischu-wischu wañusqata.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 25:6

Llapa idolokunataqa amam qatinkichikchu, nitaqmi yupaychaychikchu. Amayá Tayta Diostaqa piñachiychikchu kiki-kichikpa ruwasqaykichik idolokunata yupaychaspaqa, chaynapi mana ima sasachakuytapas kacharimusunaykichikpaq”, nispa.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Oseas 1:8

Lo-ruhamata anukaruspanmi Gomer-qa huktawan wiksayakuruspan qari wawata wachakururqa.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

1~Samuel 17:47

Chaynataqmi kay huñunasqa runa-kunapas yachanqaku Tayta Diosqa mana espadallawan nitaq lanzallawan salvasqanta; kay guerraqa Tayta Diospa munayllanpim kachkan, chayraykum qamkunataqa makiykuman hapiykachiwanqaku, nispa.