Oseas 1:11 - CHUYA QELLQA La Biblia en Quechua de Ayacucho 2012

¹¹ Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku,

Quechua Ayacucho Bible 1987

¹¹ Chayraqmi Judapa mirayninkunaqa, chayraqmi Israelpa mirayninkunaqa hukllaman huñunasqa kanqaku. Huk kamachikuqllatañam akllanqaku. Tukuy hinastinmantam kutiykunqaku. Chay Jezreel sutiyoq punchawqa ancha hatun punchawmi kanqa.

Chuya Qellqa 1992

¹¹ Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku, Jezreelpa punchawninqa hatunmi kanqa.

Oseas 1:11 Iomraidhean Croise

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:37

Chaywanpas anchata piñakuspay llapallan nacionkunaman presota apachisqaymantam huñumusaq, kay llaqtaman kutichimuspaymi hawkataña kawsachisaq.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Oseas 2:1

Wawqekichikta “Diospa llaqtan”, niychik, panikichiktañataq “llakipayana”, niychik.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Romanos 11:15

Judiokunata Dios qepanchakuruptinmi llapallan runakuna Dioswan allinyanakurunku. Chaynaqa, ¡mayna allinraq kanqa judiokunata Dios chaskiykuptinqa! ¡Wañuymanta kawsarimuchkaq hinaraqcha kanqaku!