Números 9:13 - CHUYA QELLQA La Biblia en Quechua de Ayacucho 2012

¹³ Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.

Quechua Ayacucho Bible 1987

¹³ Pascua Fiestapaq hina kachkaspan otaq mana illaruchkaspan Pascua Fiestay mana ruraq runaqa runamasinkunamanta chinkachisqam kanqa. Tiempollanpi ñoqa Tayta Diosman ofrendakunata mana ofrecewasqanraykum chay runaqa huchayoq kanqa.

Chuya Qellqa 1992

¹³ Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.

Números 9:13 Iomraidhean Croise

Génesis 17:14

Ima qaripas mana señalasqa kaspanqa qamkunamantam qarqosqa kanqa, pactoyta mana kasukusqanrayku, nispa.

Éxodo 12:15

Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Éxodo 12:19

Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa.

Éxodo 12:47

Llapallan Israel runakunam chaynata ruwanqa.

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 30:38

Pipas muskikunanpaq chayna perfumeta ruwaqqa ayllunmanta chinkachisqam kanqa, nispa.

Ezequiel 23:49

Ahola hinaspa Aholiba, millakuypaq huchata ruwaspa idolokunata yupaychasqaykichikmantam castigasqa kankichik. Chaynapim Israelpa yupaychasqan ñoqa Tayta Dios kasqayta yachankichik.

Levítico 17:10

Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Levítico 17:4

hinaspañataq chay nakasqanta ñoqa Tayta Diospa santuarioypa punkunpi ofrecewananpaq mana apamunqachu, hinaspaqa yawar chaqchusqanmantam huchayuq kanqa. Chayraykum chay runaqa llaqtamanta chinkachisqa kanqa.

Levítico 20:20

Pipas tionpa warminwan kakuqqa tiotam penqayman churachkan, chaynaqa iskayninkum castigasqa kaspa mana wawa-churiyuq wañunqaku.

Levítico 22:9

Chaynaqa, kay kunasqaykunata kasukuchunku, chaynapi ama huchalli-kunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Levítico 24:15

Chaymantam Israelpa mirayninkunata ninki: Pipas Tayta Diospa sutinta ñakaqqa wañuchisqam kanqa.

Números 19:13

Pipas wañusqa runapa ayanta llapcharuchkaspa mana chuyanchakuqqa ñoqa Tayta Diospa carpaytam millakuypaqta ruwachkan. Chayna runaqa Israel ukumantam chinkachisqa kanqa. Payqa chuyanchana yakuwan mana challachikusqanraykum hina millakuypaq kanqa.

Números 19:20

Millakuypaq kachkaspa mana chuyanchakuq runaqa, ñoqaman asuykamuwanaykichik carpata qachachasqanraykum llaqtamanta chinkachisqa kanqa. Chuyanchana yakuwan mana challachikusqanraykum payqa millakuypaq kanqa.

Números 5:31

Warminpa imapas hucha ruwasqanmantaqa qosanqa mana huchayuqmi kanqa, chay warmim ichaqa mana allinta ruwaspa huchallikusqanmanta ñakarinqa.

Números 9:7

kaynata nirqaku: Ñoqaykuqa wañuqpa ayanman asuykusqaykuraykum millakuypaq kachkaniku. ¿Yaqachu Israelpa mirayninkunawan kuska Tayta Diosman ofrendaykuta ofreceyta atiymanku? nispa.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 6:6

huktawan huchaman wichiykuptinkuqa manañam pipas Diosman kutiykachiytaqa atinmankuñachu. Paykunaqa Diospa Churinta yapamanta chakataspankum penqayman churachkanku.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.