Números 8:17 - CHUYA QELLQA La Biblia en Quechua de Ayacucho 2012

¹⁷ Egipto nacionniyuq runakunapa piwi wawa-churinkunata wañurachispaymi Israelpa mirayninkunapa piwi wawa-churinkuta ñoqapaq sapaqchakurqani. Paykunaqa ñoqapam, animalkunapa punta kaq wawankunapas ñoqapataqmi.

Quechua Ayacucho Bible 1987

¹⁷ Egipto nacionniyoq runakunapa piwi wawa-churinkunata wañurachispaymi Israelpa mirayninkunapa piwi wawa-churintaña ñoqapaq sapaqchakurqani. Paykunaqariki ñoqapañam, ñoqapataqmi animalkunapa punta kaq criankunapas.

Chuya Qellqa 1992

¹⁷ Egipto nacionniyuq runakunapa piwi wawa-churinkunata wañurachispaymi Israelpa mirayninkunapa piwi wawa-churinkuta ñoqapaq sapaqchakurqani. Paykunaqa ñoqapam, animalkunapa punta kaq wawankunapas ñoqapataqmi.

Números 8:17 Iomraidhean Croise

Éxodo 12:29

Chawpi tutatam Egipto nacionpi llapallan piwikunata Tayta Dios wañu-rachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam.

Éxodo 13:2

Llapallan piwikunata qoway, Israelpa mirayninkunamanta punta nacemuqkunaqa ñoqapam, runakuna kaspa otaq animalkuna kaspapas, nispa.

Éxodo 29:44

Carpatawan altartam ñoqallapaqña sapaqchasaq. Aarontawan churinkunatapas sacerdoteykuna kanankupaqmi sapaqchasaq.

Ezequiel 20:12

Paykunamanmi samana punchawniykunata qorqani, chaymi huk señal karqa ñoqapaq chaynataq paykunapaqpas, chaynapi paykunata ñoqallapaqña sapaqchasqayta yuyanankupaq.

Levítico 27:26

Animalkunapa punta wawanqa, punta naceq kasqanraykum ñoqa Tayta Diospaq kanqa. Chay animalkunataqa manam pipas sapaqchapuwanmanñachu, toro kaspa otaq carnero kaspapas ñoqapam.

Números 3:13

Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.

Números 8:18

Chayraykum Israelpa mirayninkunapa piwi wawa-churinkunapa rantinpi Leví ayllukunataña akllakurqani.

Lucas 2:23

Chaynataqa ruwarqaku Señorpa kamachikuyninpi: “Punta naceq qari wawaqa Señorpaq sapaqchasqam kanqa”, nisqanraykum.

Juan 10:36

Taytam sapaqchawaspan ñoqata kay pachaman kachamuwarqa, chaynaqa, ¿imaynataq ninkichik qamkunaqa: “Diostam kamichkan” nispaykichikqa, “Diospa Churinmi kani” nisqayraykuqa?

Juan 17:19

Paykunaraykum kikiypuni chuyanchakuni, chaynapi paykunapas cheqap palabraykiwan chuyanchakunankupaq.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 11:28

Iñiyllawanmi Moisespas, Pascua fiestatapas ruwarqa hinaspam yawartapas punkukunaman challarqa, piwi churikuna wañuchiq ángel Israelpa mirayninkunata mana wañuchinanpaq.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.