Números 8:12 - CHUYA QELLQA La Biblia en Quechua de Ayacucho 2012

¹² Chaymantam Leví ayllukuna makinkuta malta torokunapa umankuman churanqaku, hinaptinmi qam Moisesñataq huknin torota hucharayku ofrendata ofrecemuwanki, huknintañataqmi Leví ayllukunapa huchanta pampachanaypaq lliw kañana ofrendata ofrecemuwanki.

Quechua Ayacucho Bible 1987

¹² Chaymantañam Leviy ayllu runakunaqa makinkuta churanqaku malta torokunapa umanman hinaptinmi qam Moisesñataq hucharayku wañuchinki huknin torota, huknintañataqmi wañuchispa lliwta kañanki Leviy ayllu runakunapa huchankunata pampachanaypaq.

Chuya Qellqa 1992

¹² Chaymantam Leví ayllukuna makinkuta malta torokunapa umankuman churanqaku, hinaptinmi qam Moisesñataq huknin torota hucharayku ofrendata ofrecemuwanki, huknintañataqmi Leví ayllukunapa huchanta pampachanaypaq lliw kañana ofrendata ofrecemuwanki.

Números 8:12 Iomraidhean Croise

Éxodo 29:10

Chaymantam malta torota ñoqaman asuykuna carpapa ñawpaqninman pusachinki, hinaptinmi Aaronwan churinkuna malta toropa umanman makinkuta churaykunqaku.

Levítico 1:4

Chay ofrendata apamuqmi kañana animalpa umanman makinta churanqa, chaynapim huchankunata pampachanaypaq chaskisaq.

Levítico 14:22

iskay qoqñuta otaq iskay mallqo palomakunatapas, hukninmi hucharayku ofrendapaq kanqa, hukninñataqmi lliw kañanapaq.

Levítico 16:11

Aaronmi huk malta torota kikinpa huchanmantawan ayllunpa huchankunamanta ofrecewanqa, huchanku-namanta ofrenda kasqanrayku, chaynapi huchankumanta pampachanaypaq.

Levítico 16:21

Hinaspanmi Aaronqa chivatopa umanman makinkunata churaykuspan Israelpa mirayninkunapa mana allinkuna ruwasqankuta, mana kasukuyninkuta chaynataq huchankutapas ñoqaman willawanqa, hinaspam chay chivatota chunniqman pusachinqa chaypaq akllasqa runawan.

Levítico 16:6

Chaymantam kikinpa huchanmantawan ayllunpa huchankunamanta malta torota Aarón ofrecewanqa, chaynapi huchankuta pampachanaypaq.

Levítico 4:15

Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.

Levítico 4:20

Chay malta torowanqa ruwanqa hucha pampachanapaq wañuchisqa animalwan hinam. Chaytaqa sacerdotem runakunapa huchan pampachasqa kananpaq ruwanqa, chaynapim huchanku pampachasqa kanqa.

Levítico 4:35

Hinaspam ovejapa llapallan wirankunata hurqonqa, imaynam ñoqawan allinlla kasqanmanta wañuchisqan carneropa wirankunata hurqochkaq hina, chaytaqa sacerdotem altarpi kañanqa ñoqa Tayta Diospaq ofrendakunatawan kuskata. Chaynatam sacerdote ruwanqa chay runapa huchan pampachasqa kananpaq, chaynapim huchan pampachasqa kanqa.

Levítico 4:4

Chay torotam asuykuwananku carpapa punkunman pusamunqa, hinaspam chay animalpa umanman makinta churaykunqa, chaymantañam ñoqapa qayllaypi wañurachinqa.

Levítico 5:7

Sichum chay runapa oveja rantinanpaq mana qollqen kaptinqa ñoqa Tayta Diosmanmi apamuwanqa iskay qoqñuta otaq iskay mallqo palomata. Hukninmi huchan pampachana ofrendapaq kanqa, hukninñataqmi lliw kaña sacrificiopaq.

Levítico 8:14

Hinaspam hucharayku wañuchinapaq malta torota Moisés pusachimurqa, chaymi Aaronwan churinkuna hucharayku wañuq malta toropa umanman makinkuta churaykurqaku.

Levítico 8:15

Moisesñataqmi wañurachispan, chay animalpa yawarninta chaskiykurqa, hinaspam dedonta challpuykuspan altarpa waqrachankunaman llusirqa. Chaynatam Diospaq chay altarta sapaqcharqa. Yawar puchuqtañataqmi altarpa sikinman talliykurqa, chaynatam altarta Diospaq sapaqcharqa, chay altarpi llapa runakunapa huchan pampachasqa kananpaq.

Levítico 8:18

Chaymantam kañanapaq carnerota aparachimurqa, hinaptinmi Aaronwan churinkuna chay carneropa umanman makinkuta churaykurqaku.

Levítico 8:34

Kay ruwasqaykichiktaqa Tayta Diosmi kamachikurqa, huchaykichik pampachasqa kananpaq.

Levítico 9:7

Chaymantam Aaronta Moisés nirqa: Altarman asuykuspa hucharayku ofrendaykita chaynataq lliw kañanapaq animaltapas ofrecey, chaynapi huchaykipas chaynataq runakunapa huchanpas pampachasqa kananpaq. Runakunapa ofrendantapas ofreceytaq huchanku pampachasqa kananpaq, ofrecenkiqa Tayta Diospa kamachisqanman hinam, nispa.

Números 6:14

Chaypim ñoqa Tayta Diosman lliw kañana huk watayuq sano carnerota ofrecemuwanqa, huk watayuq sano ovejatañataqmi huchamanta ofrendata ofrecemuwanqa. Ofrecemuwanqataqmi ñoqawan allinlla kasqanmanta carnero ofrendatapas.

Números 6:16

Tukuy chaykunataqa sacerdotem ñoqa Tayta Diospa qayllayman apamuspan hucharayku ofrendapaq ofrecewanqa, ofrecewanqataqmi lliw kañana ofrendatapas chaynataq huknin carnerotapas.

Números 8:13

Hinaspam Leví ayllukunata Aaronpa chaynataq churinkunapa ñawpaqninpi sayachinki, hinaspam ofrendata hina ñoqa Tayta Diospaq sapaqchapuwanki.

Números 8:8

Chaymantam apamuwanqaku malta torota chaynataq fino harinamanta aceitewan chapusqa kawsay ofrendatapas. Qampas apamuwankitaqmi hucharayku ofrendapaq huk malta torota.

Hebreos 9:22

Leyman hinaqa yaqa llapallanmi yawarwan chuyanchasqa karqa. Yawar mana chaqchusqa kaptinqa huchaqa manam pampachasqachu kanman.