Números 6:3 - CHUYA QELLQA La Biblia en Quechua de Ayacucho 2012

³ amam vinota, poqosqa aqata, uvasmanta ruwasqa vinagreta, aqamanta ruwasqa vinagreta nitaq uvasmanta ruwasqa upitapas tomanqachu. Amataqmi uvastapas nitaq uvasmanta pasastapas mikunqachu.

Quechua Ayacucho Bible 1987

³ amam tomanqachu vinota nitaq poqosqa aqatapas nitaq uvasmanta rurasqa vinagretapas nitaq aqamanta rurasqa vinagretapas nitaq uvasmanta rurasqa ima upitapas. Amataqmi mikunqachu uvastapas nitaq uvasmanta pasastapas.

Chuya Qellqa 1992

³ amam vinota, poqosqa aqata, uvasmanta ruwasqa vinagreta, aqamanta ruwasqa vinagreta nitaq uvasmanta ruwasqa upitapas tomanqachu. Amataqmi uvastapas nitaq uvasmanta pasastapas mikunqachu.

Números 6:3 Iomraidhean Croise

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Amós 2:11

Hinaspaymi miraynikichikkunamanta wakiqninta akllarqani profetaykuna kanankupaq, joven kaq warmakunamantañataqmi sapaqcharqani ñoqallapaqña kawsanankupaq. ¿Icha manachu chaynata ruwarqani? Tayta Diosmi chaynata nin.

Amós 2:12

Ichaqa qamkunam sapaqchakusqay jovenkunatapas vinota tomachispa macharachinkichik, profetaykunatapas ñoqamanta willakunanta harkakuspam siminta wichqarunkichik.

Números 6:4

Chaynaqa, ñoqapaq sapaqchakusqan punchawkamam ama uvasmanta ima mikuytapas nitaq uvasmanta ima ruwasqatapas mikunqachu.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

1~Tesalonicenses 5:22

tukuy mana allin kaqkunamantayá raki-kuychik.

1~Timoteo 5:23

Wiksa nanaynikiraykuyá hinaspa sapa kuti onqosqaykiraykuyá ama yakullatañachu tomay, aswanqa as vinotawanyá tomay.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

Jueces 13:14

Uvasmanta kaqtaqa amam imatapas upyanqachu, nitaqmi vinomanta kaq ima sinkachikuqtapas upyanqachu. Amataqmi mana mikuna kaqkunatapas mikunqachu, lliw kamachisqaytayá kasukuchun, nispa.

Jueces 13:4

Chaynaqa, amam vinota nitaq ima sinkachikuqtapas upyankichu. Amataqmi mana mikuna kaqkunatapas mikunkichu.