Números 6:18 - CHUYA QELLQA La Biblia en Quechua de Ayacucho 2012

¹⁸ Hinaspam chay ñoqapaq sapaqchakuq runa, asuykuwanaykichik carpapa punkunpi ñoqapaq sapaqchasqan chukchanta kachiy-kachiyta rutuchikuspan ninaman wischuykunqa, ñoqawan allinlla kasqanmanta rupaq ofrendapa ukunman.

Quechua Ayacucho Bible 1987

¹⁸ Chaynaqa chay ñoqapaq rakikuq runaqa asuykuwanaykichik karpapa punkunpim ñoqapaq rakisqa chukchanta kachiy-kachiyta rutuchikunqa hinaspam chay chukchantaqa ninaman wischuykunqa. Wischuykunqaqa ñoqawan allinlla kasqanmanta rupaq ofrendapa ukun ninamanmi.

Chuya Qellqa 1992

¹⁸ Hinaspam chay ñoqapaq sapaqchakuq runa, asuykuwanaykichik carpapa punkunpi ñoqapaq sapaqchasqan chukchanta kachiy-kachiyta rutuchikuspan ninaman wischuykunqa, ñoqawan allinlla kasqanmanta rupaq ofrendapa ukunman.

Números 6:18 Iomraidhean Croise

Números 6:17

Chaymantam ofrecewanqa chay ofrecewaqniy runa ñoqa Tayta Dioswan allinlla kasqanmanta carnero ofrendata canastillapi mana levadurayuq tantatawan kuskata. Ofrecewanqataqmi kawsay ofrendatawan tallinapaq vino ofrendatapas.

Números 6:5

Ñoqapaq rakisqa kanankamaqa amam chukchanta rutuchikunqachu. Ñoqa Tayta Diospaq sapaqchakusqan punchawkamam ñoqallapaqña kanqa, hinaspam chukchantapas wiñachinqa.

Números 6:9

Paypa qayllanpi qonqaymanta pipas wañukuptinqa chay ñoqapaq sapaqchasqa runapa chukchanmi millakuypaq kanqa. Chaynaqa, chuyanchakuspanmi qanchis kaq punchawpi chukchanta kachiy-kachiyta rutuchikunqa.

Lucas 17:10

Chaynayá qamkunapas, tukuy kamachisusqaykichikta ruwaruspaqa kaynata niychik: “Mana imapaq valeq sirvientekunam kanchik, kamachiwasqallanchiktam ruwarunchik”, nispaykichik.

Hechos 18:18

Pablom unay punchawkuna Corinto llaqtapi qeparqa, hinaspam llapa iñiqkunamanta despedikuykuspan, Aquilawan hinaspa Priscilawan kuska Siria lawman pasarqaku. Cencrea llaqtaman chayaruptinkum, Diosman promesa ruwasqanta cumplinanpaq lliw chukchanta rutukururqa.

Hechos 21:23

Chaynaqa, kaynatayá ruway: Kaypim ñoqanchikwan kachkan tawa runakuna Diosman prometekusqankuta cumpliqkuna.

Hechos 21:24

Templomanyá paykunawan kuska rispayki costumbrenchikman hina chuyanchakamuychik, paykunapa gastonta pagaspayá chukchankuta rutuchimuy. Chaynapim lliw yachanqaku qanmanta tukuy ima rimasqankuqa mana cheqapchu kasqanta, aswanqa Moisespa leynin kasukusqaykita.

Hechos 21:26

Chaymi Pabloqa chay tawa runakunata pusarikuspan paqarinnintin punchaw chuyanchakurqaku, hinaspam temploman yaykurqa chuyanchakusqanku punchawkuna tukusqanta willakunanpaq, chaynataq haykapim ofrendankuta sapakama Diosman ofrecenankuta yachamunanpaq.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.