Números 5:2 - CHUYA QELLQA La Biblia en Quechua de Ayacucho 2012

² Israelpa mirayninkunata kamachiy, leprawan onqoqkunata, qeya ispaywan onqoq qarikunata, wañuqpa ayan llapcharuqkunata campamentomanta qarqonankupaq.

Quechua Ayacucho Bible 1987

² —Israelpa mirayninkunatayá kamachiy lepra onqoywan llapallan kaqkunata campamentomanta lloqsichinankupaq. Lloqsichinqakutaqmi qari kayninmanta otaq warmi kayninmanta kikillanmanta ima lloqsiptinpas chaynataq wañuqpa ayanta llachparuspa mana asuykuwananpaq hina kaqkunatapas.

Chuya Qellqa 1992

² Israelpa mirayninkunata kamachiy, leprawan onqoqkunata, qeya ispaywan onqoq qarikunata, wañuqpa ayan llapcharuqkunata campamentomanta qarqonankupaq.

Números 5:2 Iomraidhean Croise

2~Reyes 7:3

Llaqtapa punkunpa hawa lawninpim lepra onqoyniyuq tawa runakuna kachkarqaku. Paykunam ninakurqaku: ¿Imatataq kaypi ruwanchik wañuyta suyaspanchikqa?

Levítico 13:45

Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.

Levítico 13:46

Leprayuq runaqa isun chinkanankamam millakuypaq kanqa; campamentomanta karupim sapallan yachanqa.

Levítico 13:8

Chaymi sacerdoteñataq chay runapa aychanpi isu mirarusqanta qawaykuspan chay runata millakuypaqña kasqanta ninqa. Payqa leprawanmi onqochkan.

Levítico 14:8

Pipas chuyanchakuqqa pachankunatam taqsakunqa, chukchantapas kachiy-kachiyta rutukuspanmi bañakunqa; chaynata chuyanchakuspanmi campamentoman yaykunqa. Ichaqa qanchis punchawmi kikinpa carpanman ama yaykunqachu.

Levítico 21:1

Moisestam Tayta Dios nirqa: Aaronpa miraynin sacerdotekunata nimuy, ayllunkumanta pipas wañuruptinqa ama asuykunankupaq. Chaynata ruwaspaqa millakuypaqmi kanmanku.

Levítico 23:29

Pipas chay punchawpi mana ayunaqqa llaqtanmantam chinkachisqa kanqa.

Números 12:10

Carpamanta puyu asuriruptinmi riti hina yuraqllaña lepra onqoy Mariapa cuerponpi rikurirurqa. Aarón muyuriykuspa qawariykuptinmi Mariaqa lepra onqoywanña kachkasqa.

Números 12:14

Chaymi Moisesta Tayta Dios nirqa: Uyanpi taytan toqaykuptinqa, ¿manachu qanchis punchaw penqaypi kanman? Chaynaqa, campamentomanta qanchis punchawpuni qarqosqa kaspa chaymantaña kutiykamuchun, nispa.

Números 31:19

Qamkunamanta haykam runa wañu-chiqkunaqa chaynataq wañusqa runapa ayanta llapcharuqkunaqa, qanchis punchawmi campamentomanta hawapi qepankichik. Hinaspam qamkunapas chaynataq presochamusqaykichik runakunapas kimsa kaq punchawpiwan qanchis kaq punchawpi chuyanchakunkichik.

Números 5:1

Moisestam Tayta Dios nirqa: