Números 4:5 - CHUYA QELLQA La Biblia en Quechua de Ayacucho 2012

⁵ Israelpa mirayninkuna huklawman astakuptinkum, Aaronwan churinkuna carpa rakinaq velota hurqonqaku, hinaspam Arcata chaywan tapanqaku.

Quechua Ayacucho Bible 1987

⁵ Israelpa mirayninkuna lloqsiptinmi Aaron churinkunapiwan horqonqaku cuarto rakinaq telata hinaspam chaywan tapanqaku Chunkantin Kamachikuy waqaychana baulta.

Chuya Qellqa 1992

⁵ Israelpa mirayninkuna huklawman astakuptinkum, Aaronwan churinkuna carpa rakinaq velota hurqonqaku, hinaspam Arcata chaywan tapanqaku.

Números 4:5 Iomraidhean Croise

1~Crónicas 15:15

Hinaspankum Leviypa mirayninkuna Tayta Diospa Arcanta hombrorikuspanku apamurqaku, chaynataqa ruwarqaku Moisesman Tayta Diospa kamachisqanman hinam.

1~Crónicas 23:26

Chayraykum Leví ayllukunaqa, Tayta Diospa yachanan carpatapas nitaq llapa servicionkunatapas manaña apaykachanqakuñachu, nispa.

2~Crónicas 3:14

Velotapas morado qaytumanta, grosella qaytumanta, guindo qaytumanta hinaspa fino linomantam ruwachirqa, chay velopa hawanpim querubinkunata bordachirqa.

Éxodo 36:35

Ruwarqakutaqmi morado qaytumanta, grosella qaytumanta, puka qaytumanta, kawpusqa linomanta velotapas; chay velopa hawanpim iskay querubinkunata kuyayllapaqta bordarqaku.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Éxodo 40:5

Incienso kañana qorimanta altartañataqmi Arcapa ñawpaqninpi churanki, churankitaqmi carpapa punkunpi cortinatapas.

Isaías 25:7

Kay orqopim llaqtakunata tapaq telata llikipanqa, llapa nacionkunapa tapaqnin velotam llikipanqa.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Números 10:14

Puntatam Judá ayllupa banderan hinaspa tropankuna lloqsirqaku. Chay tropakunapa kamachiqninmi karqa Aminadabpa churin Naasón.

Números 4:15

Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Números 4:4

Coatpa mirayninkunaqa, asuykamuwanaykichik carpapim imapas ñoqallapaqña sapaqchasqa kaqkunata nanachikunqaku.

Números 7:9

Coat ayllumanmi ichaqa carretakunatapas nitaq torokunatapas mana qorqachu, paykunaqa Diospaq sapaqchasqa kaqkunataqa hombrollapi apananku kasqanrayku.

Mateo 27:51

Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Deuteronomio 31:9

Moisesmi kay yachachikuykunata qellqarqa, hinaspam Tayta Diospa pacton waqaychana Arca apaq Leví ayllu sacerdotekunaman chaynataq Israelpa llapallan ancianonkunaman qorqa.

Hebreos 10:20

Payqa velota llikichkaq hinam kikinpa cuerponwan, kawsachkaq musoq ñanta kichaykapuwarqanchik.

Hebreos 9:3

Iskay kaq rakinaq velopa qepa lawninpiñataqmi karqa “Chuyay-chuyay” sutiyuq lugar.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.